Mumbai News: मुंबई कृषी उत्पन्न बाजार समितीमध्ये आवक घटल्याने लसणाच्या दरात पुन्हा सुधारणा झाली आहे. त्यामुळे वाढलेल्या भावामुळे ग्राहकांच्या खिशाला झळ बसत आहे. गेल्या वर्षभरापासून लसणाचे भाव ग्राहकांच्या आवाक्यात होते. .मात्र आवक कमी आणि मागणी अधिक असल्याने भाव पुन्हा वाढीस लागले आहेत. सध्या कांदा-बटाटा घाऊक बाजारात १७५ ते २०० रुपये, तर किरकोळ बाजारात २५० ते ३०० रुपये प्रतिकिलो भावाने लसूण विक्री होत आहे. महाराष्ट्रासह गुजरात, राजस्थान आणि मध्य प्रदेशमधून मोठ्या प्रमाणात लसूण मुंबई बाजारात येतो, मात्र योग्य प्रतीचा लसूण बाजारात तुलनेने खूपच कमी येत असल्याने ही भाववाढ झाल्याचे व्यापारी सांगत आहेत. .Garlic Price: लसणाचे दर टिकून; तसेच काय आहेत संत्री, लिंबू, भेंडी आणि बेदाण्याचे आजचे बाजारभाव .कांदा-बटाटा बाजारात जवळपास १७५ ते २०० गाड्यांची आवक होत असून, दोन ते तीन गाड्यांमधून जवळपास ३०० गोणी लसूण बाजारात येतो. जास्तीत जास्त सरासरी १०० ते १५० रुपये प्रतिकिलो मिळणारा लसूण गेल्या काही दिवसांपासून २०० ते ४०० रुपयांपर्यंत दर मिळू लागले आहेत..Garlic Price: लसणाचे भाव स्थिर; तसेच काय आहेत तूर, फ्लाॅवर, सिताफळ आणि मुगाचे आजचे बाजारभाव? .दुप्पट भाव मोजणीची वेळगेल्या काही दिवसांत बाजारात लसणाचे भाव मोठ्या प्रमाणात वाढले असून, अनेक ठिकाणी ग्राहकांना पूर्वीच्या तुलनेत दुप्पट भाव मोजावे लागत आहेत. भाववाढीमुळे मध्यमवर्गीय व गरीब कुटुंबांवर आर्थिक ताण वाढला आहे..विशेषतः उपाहारगृह, खानावळी आणि खाद्यपदार्थ विक्रेत्यांनाही वाढीव खर्चाचा सामना करावा लागत असल्याने काही ठिकाणी पदार्थांच्या किमती वाढण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
