Gondia News: धान खरेदीच्या थकलेल्या चुकाऱ्यांसाठी तीन महिन्यांच्या प्रतीक्षेनंतर तब्बल ३०९ कोटी ५३ लाख रुपयांचा निधी उपलब्ध करून देण्यात आला आहे. यामुळे हजारो शेतकऱ्यांच्या खात्यात पैसे जमा होण्याचा मार्ग मोकळा झाला असला, तरीही निधी अपुरा ठरल्याने सुमारे अर्ध्यापेक्षा अधिक शेतकऱ्यांना अजून काही दिवस प्रतीक्षा करावी लागणार आहे..खरीप हंगामात जिल्हा मार्केटिंग फेडरेशनच्या माध्यमातून शासनाच्या धान खरेदी केंद्रांवर मोठ्या प्रमाणात धानाची खरेदी करण्यात आली होती. नोव्हेंबर २०२५ ते जानेवारी २०२६ या कालावधीत एकट्या गोंदिया जिल्ह्यातून ८० हजार शेतकऱ्यांकडून सुमारे २५ लाख ६२ हजार क्विंटल धान खरेदी करण्यात आले. मात्र, खरेदी पूर्ण होऊनही चुकारे वेळेवर न मिळाल्याने शेतकऱ्यांची आर्थिक कोंडी झाली होती..Agriculture Funds: राज्याबरोबर केंद्राचाही ‘कृषी’ला निधी नाही.दरम्यान, शासनाने बुधवारी (दि. ४) दहा जिल्ह्यांसाठी एकूण ३०९ कोटी ५३ लाख रुपयांचा निधी उपलब्ध करून दिला. यामध्ये गोंदिया जिल्ह्यासाठी मोठा वाटा देण्यात आला असून, थकबाकीपैकी काही रक्कम शेतकऱ्यांच्या खात्यावर जमा होण्यास सुरुवात झाली आहे. चुकारे रखडल्याने अनेक शेतकऱ्यांना सावकारांकडून कर्ज घ्यावे लागले. घरखर्च, पुढील हंगामाची तयारी, बियाणे व खत खरेदीसाठी आर्थिक चणचण तीव्र झाली होती. वेळेवर पैसे न मिळाल्यामुळे बाजारात धान विक्री करूनही शेतकरी अडचणीत सापडल्याचे चित्र होते..Agriculture Relief Funds: रब्बी हंगामासाठी शेतकऱ्यांना मिळाली १९१ कोटींची मदत.निम्मे शेतकरी अजूनही प्रतीक्षेतशासनाकडून निधी मिळाला असला तरी ३०९ कोटी रुपये संपूर्ण थकबाकीसाठी अपुरे ठरत आहेत. त्यामुळे उपलब्ध निधीतून काही शेतकऱ्यांचेच चुकारे भागवले जाणार असून, उर्वरित शेतकऱ्यांना पुढील टप्प्यात निधी मिळेपर्यंत वाट पाहावी लागणार आहे. धान खरेदीची एकूण थकबाकी यापेक्षा अधिक असल्याने शासनाने तातडीने उर्वरित रकमेची तरतूद करावी, अशी मागणी शेतकरी संघटनांकडून होत आहे. अन्यथा पुढील हंगामातील शेती कामकाजावर गंभीर परिणाम होण्याची शक्यता व्यक्त केली जात आहे..उर्वरित चुकारे तातडीने अदा करावेतपुढील हंगामात अशा प्रकारचा विलंब टाळावा, खरेदी झाल्यानंतर ठरावीक कालावधीत रक्कम थेट खात्यावर जमा करण्याची हमी द्यावी, अशी शेतकऱ्यांची मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
