Nagpur News : विदर्भात पारंपरिक पिकाच्या जोडीला फळपिकांनाही प्रोत्साहन मिळावे याकरिता वंडली (काटोल) येथील प्रादेशिक संशोधन केंद्राच्या परिसरात मंगळवारी (ता. १०) फ्रूट क्रॉप डे आयोजित करण्यात आला आहे.
या माध्यमातून विविध फळपिकांचे लागवड तंत्रज्ञान, व्यवस्थापन या बाबी शेतकऱ्यांना प्रत्यक्ष अनुभवता येतील, अशी माहिती कुलगुरू डॉ. शरद गडाख यांनी नागपूर दौऱ्यात दिली. पूर्व विदर्भात धानाच्या जोडीला दुबार पीक घेता यावे याकरिता तेलबियावर्गीय पिकांना प्रोत्साहन दिले जात आहे.
त्यामध्ये जवस, मोहरी, करडई यासारख्या पिकांचा समावेश आहे. धानपट्ट्यात समृद्धी नांदावी, असा उद्देश त्यामागे आहे. त्यासोबतच वंडली (ता. काटोल, जि. नागपूर) येथे डॉ. पंजाबराव देशमुख कृषी विद्यापीठ अंतर्गत प्रादेशिक संशोधन केंद्र आहे. या भागातील संत्रा उत्पादकांपर्यंत विद्यापीठ विकसित तंत्रज्ञान पोहोचावे यासाठी या केंद्राची स्थापना करण्यात आली आहे.
याच केंद्रातून संत्र्याच्या दर्जेदार रोपांचा पुरवठा देखील शेतकऱ्यांना होतो. केंद्राच्या प्रक्षेत्रावर आंबा, चिकू, पेरू या फळपिकांची लागवड करण्यात आली आहे. या बागा उत्पादन व उत्पन्नक्षम आहेत.
परिणामी संत्रा पिकाच्या जोडीला इतर फळपिकांचा पर्याय शेतकऱ्यांना उपलब्ध व्हावा याकरिता विद्यापीठाने पुढाकार घेत खास शेतकऱ्यांसाठी फ्रूट क्रॉप डे आयोजित केला आहे. कृषी विभागाचे देखील या महत्त्वाकांक्षी उपक्रमाला सहकार्य आहे. या माध्यमातून विविध फळपिकांचे लागवड व व्यवस्थापन तंत्रज्ञान शेतकऱ्यांपर्यंत पोहोचविण्याचा प्रयत्न होणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.