Maharashtra Agriculture : सांगली जिल्ह्यात यंदा सरासरीपेक्षा कमी पाऊस झाल्याने चारा उत्पादनात घट होण्याची शक्यता आहे. आगामी काळात पशुधनासाठी चारा टंचाई निर्माण होऊ नये, यासाठी जिल्ह्यातील उपलब्ध सुका व ओला चारा इतर जिल्ह्यांत तसेच राज्याबाहेर वाहतूक करून विक्री करण्यास जिल्हाधिकारी तथा जिल्हादंडाधिकारी डॉ. मैनाक घोष यांनी बंदी घातली आहे. हा आदेश बुधवार (ता. ३०) पासून लागू झाला आहे..खरीप हंगाम २०२६ मध्ये सांगली जिल्ह्यातील मिरज, आटपाडी, जत आणि कवठेमहांकाळ या चार तालुक्यांत ‘ट्रिगर-१’ (प्रथम कळ) लागू करण्यात आला आहे. जिल्ह्यात उत्पादित होणारा चारा इतर जिल्ह्यांत तसेच सीमावर्ती भागात मोठ्या प्रमाणावर विक्रीसाठी पाठविला जात आहे. .Sangli Market Committee: रब्बी मका, शाळूसाठी जत बाजार समितीचा लौकिक.त्यामुळे आगामी काळात जिल्ह्यात गंभीर चारा टंचाई निर्माण होण्याची शक्यता आहे. ही परिस्थिती लक्षात घेऊन जिल्हाधिकारी डॉ. मैनाक घोष यांनी सांगली जिल्ह्यात उपलब्ध असलेला सुका व ओला चारा इतर जिल्ह्यांत तसेच राज्याबाहेर वाहतूक करून नेण्यास आणि विक्री करण्यास बंदी घातली आहे. याबाबतचा आदेश जारी करण्यात आला आहे..Sangli APMC Dispute: बाजार समिती त्रिभाजन याचिकांवरील सुनावणी तहकूब.आदेशानुसार सांगली जिल्ह्याच्या महसुली हद्दीतून इतर जिल्ह्यांत तसेच राज्याबाहेर सर्व प्रकारच्या सुक्या व ओल्या चाऱ्याची वाहतूक आणि विक्री करण्यास मनाई करण्यात आली आहे. यामध्ये कडबा, कुट्टी, पेंढा आदी चाऱ्याचा समावेश आहे. हा आदेश २९ नोव्हेंबर अखेर आहे. .दुष्काळी परिस्थितीत जिल्ह्यातील पशुधनासाठी चारा उपलब्ध राहावा, हा या निर्णयामागील उद्देश आहे. चाऱ्याची मोठ्या प्रमाणावर बाहेर विक्री झाल्यास भविष्यात जिल्ह्यात चारा टंचाई निर्माण होऊन पशुधनाच्या संगोपनाचा प्रश्न निर्माण होऊ शकतो. त्यामुळे शेतकरी व पशुपालकांनी उपलब्ध चाऱ्याचा स्थानिक गरजेसाठी वापर करण्याचे आवाहन प्रशासनाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
