Jalna News : अतिवृष्टी अनुदान घोटाळाप्रकरणी अकरा दिवसांपासून फरार असलेल्या २८ महसूल अधिकारी, कर्मचाऱ्यांच्या आर्थिक नाड्या आवळण्यास आर्थिक गुन्हे शाखेने सुरवात केली आहे. आर्थिक गुन्हे शाखेने या २८ जणांच्या बॅंक खात्यांची माहिती घेऊन बॅंकांना त्यांचे खाते होल्ड करण्यासाठी पत्रव्यवहार केला आहे. आर्थिक पुरवठा संपल्यानंतर या २८ जणांना शरण आल्याशिवाय दुसरा पर्याय राहणार नाही..जिल्ह्यात वर्ष २०२२ ते २०२४ या काळात ७९ कोटींपैकी ४२ कोटींचा घोटाळा चौकशी समितीच्या माध्यमातून समोर आला होता. त्यानंतर १९ ऑगस्ट रोजी अंबड पोलिस ठाण्यात २८ महसूल अधिकारी, कर्मचाऱ्यांवर २४ कोटी ९० लाखांचा घोटाळा केल्याप्रकरणी गुन्हा दाखल करण्यात आला होता. मात्र, गुन्हा दाखल झाल्यानंतर अकरा दिवसांपासून ते २८ महसूल अधिकारी, कर्मचारी फरार आहेत..Crop Compensation Scam : जालन्यातील महसुलच्या २८ कर्मचाऱ्यांवर फौजदारी गुन्हे.त्यांनी स्वतःचे मोबाइल बंद केल्याने आर्थिक गुन्हे शाखेला ते कुठे आहेत, याचा ताळमेळ लागण्यास तयार नाही. त्यामुळे हे २८ महसूल अधिकारी, कर्मचारी अटकपूर्व जामिनासाठी अर्ज करण्याची शक्यता आहे. अशात आर्थिक गुन्हे शाखेने या फरार २८ जणांच्या बॅंक खात्यांची माहिती काढली आहे. शिवाय आर्थिक गुन्हे शाखेकडून बॅंकांना या २८ महसूल अधिकारी, कर्मचाऱ्यांच्या बॅंक खात्यांचे व्यवहार होल्ड करण्यासाठी पत्रव्यवहार केला आहे. त्यामुळे आर्थिक नाड्या बंद झाल्यानंतर त्यांना पोलिसांना शरण यावे लागणार आहे..Farmer Compensation Scam : अनुदानाचा मलिदा लाटणाऱ्यांवर गुन्हे.पोलिसांकडे ४२ जणांची नावेतत्कालीन जिल्हाधिकारी यांनी स्थापन केलेल्या समितीचा ७२ पानांचा चौकशी अहवाल आर्थिक गुन्हे शाखेने ताब्यात घेतला आहे. महसूल विभागाने २८ जणांवर गुन्हे दाखल केले असले तरी महसूलकडून अतिवृष्टी घोटाळ्यातील ४२ महसूल अधिकारी, कर्मचाऱ्यांची नावे आर्थिक गुन्हे शाखेकडे आली आहेत. दरम्यान, गुन्हे दाखल झालेल्या २८ जणांना शोधण्यावर पोलिसांनी सध्या लक्ष केंद्रित केले आहे..आठ दिवस माहितीसाठी पोलिसांची धावपळमहसूल विभागाने २८ महसूल अधिकारी, कर्मचाऱ्यांवर गुन्हे दाखल झाल्यानंतर आर्थिक गुन्हे शाखेला अधिक माहितीची गरज होती. मात्र, महसूल विभागाच्या अधिकाऱ्यांकडून माहिती देण्यासाठी आठ दिवसांचा अवधी लावला. त्यामुळे पोलिसांचा माहिती संकलन करण्यात अधिक वेळ गेला आहे. अखेर जिल्हाधिकारी आशिमा मित्तल यांच्याकडे हा विषय गेल्यानंतर महसूल विभागाकडून पोलिसांनी हवी ती माहिती मिळाली. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
