Seed Stock Update : अहिल्यानगर जिल्ह्यात यंदा पाऊस उशिरा झाल्याने आणि पेरण्या लांबल्याने उपलब्ध बियाण्यांपैकी सुमारे ४० टक्के बियाणे शिल्लक राहिले आहे. कृषी विभागाच्या अहवालातून ही बाब स्पष्ट झाली आहे. .जिल्ह्यासाठी यंदा ९४ हजार ६०१ क्विंटल बियाणे उपलब्ध झाले असून, त्यापैकी ६८ हजार ७७७ क्विंटल बियाण्यांची विक्री झाली आहे. त्यातीलही सुमारे १० ते १५ हजार क्विंटल बियाणे शेतकऱ्यांनी परत केले असल्याचे सांगण्यात येत आहे. जिल्ह्यात एकूण २ लाख ६१ हजार ६५९ टन खत उपलब्ध झाले असून, त्यापैकी १ लाख १८ हजार ४३२ टन खताची विक्री झाली आहे..Rabi Season : रब्बीसाठी एक लाख क्विंटल बियाणांची गरज.अहिल्यानगर जिल्ह्यात खरिपाचे सरासरी ७ लाख १६ हजार २०९ हेक्टर क्षेत्र आहे. आतापर्यंत ७ लाख ४ हजार ५४५ हेक्टरवर पेरणी झाली आहे. यंदा दरवर्षीच्या तुलनेत सुमारे महिनाभर उशिराने पाऊस झाल्याने त्याचा परिणाम खरिपाच्या पेरणीवर झाला. परिणामी बियाणे आणि खतांच्या विक्रीवरही परिणाम झाला आहे..कृषी विभागाकडून बियाण्यांचे नियोजन करताना मागील तीन वर्षांत झालेल्या विक्रीची सरासरी काढून त्यानुसार मागणी नोंदविली जाते. यंदाही त्याच पद्धतीने बियाण्यांची मागणी करण्यात आली. गेल्या वर्षी वेळेत पाऊस झाल्याने पेरण्या लवकर आणि सरासरीपेक्षा अधिक झाल्या होत्या. यंदा मात्र पाऊस लांबल्याने पेरण्या उशिरा झाल्या..यंदा कृषी विभागाने खासगी क्षेत्रातून ६४ हजार ९२८ क्विंटल आणि सार्वजनिक क्षेत्रातून २७ हजार ५३५ क्विंटल, असे एकूण ९२ हजार ४६३ क्विंटल बियाण्यांची मागणी केली होती. प्रत्यक्षात खासगी क्षेत्राकडून ७९ हजार ४९६ क्विंटल आणि सार्वजनिक क्षेत्राकडून १५ हजार १०५ क्विंटल, असे एकूण ९४ हजार ६०१ क्विंटल बियाणे उपलब्ध झाले. मात्र, विक्रीत मोठी घट झाली आहे. सार्वजनिक क्षेत्रातील १० हजार ५७४ क्विंटल आणि खासगी क्षेत्रातील ५५ हजार ६४७ क्विंटल, असे एकूण ६८ हजार ७७७ क्विंटल बियाणे विकले गेले. अनेक शेतकऱ्यांकडे बियाणे शिल्लक राहिल्याने त्यांनी ते परत केल्याचेही सांगण्यात येत आहे..Chana Cultivation: अठ्ठावीस लाख हेक्टरवर हरभऱ्याची लागवड.खताचीही मोठी शिल्लकखरिपासाठी यंदा २ लाख २३ हजार १०० टन खताची मागणी करण्यात आली होती. जुलैअखेर १ लाख ४८ हजार २१७ टन खत उपलब्ध झाले, तर मार्चअखेर मागील वर्षाचे १ लाख ३६ हजार ७८२ टन खत शिल्लक होते. अशा प्रकारे एकूण २ लाख ६१ हजार ६५९ टन खत उपलब्ध झाले. त्यापैकी १ लाख १८ हजार ४३२ टन खताची विक्री झाली आहे. सध्या ७९ हजार ९९३ टन खत शिल्लक असून, ३५ हजार ८३० टन खत वाहतुकीत आहे. खत आणि बियाण्यांच्या विक्रीची एकूण स्थिती पाहता सुमारे ५० टक्के साठा शिल्लक असल्याचे दिसून येते..बियाणे विक्री (कंसात उपलब्धता, क्विंटल)बाजरी : १,८२० (२,६००)मका : १२,२७० (१७,५२८)भात : ४,२१४ (६,०२०)तूर : ४,२१५ (६,०२२)उडीद : ४,६१९ (६,६४१)मूग : १,९१० (१,३३७)सोयाबीन : ५१,१२० (३८,३४०)कापूस : २,७६० (१,९३२).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
