Pune News: दिवसेंदिवस शेतीमधील वाढत्या मजुरटंचाईवर तोडगा म्हणून शेतकरी यांत्रिकीकरणाचा अधिकाधिक आधार घेत असल्याचे चित्र सध्या सगळीकडे दिसू लागले आहे. आंबेगाव तालुक्यातही शेतकऱ्यांनी आता कांदा पिकाच्या लागवडीसाठी यंत्रांकडे मोर्चा वळविला आहे..जिल्ह्यात सध्या सर्वत्र रब्बी कांदा लागवडी सुरु असून, आंबेगाव तालुक्यात ट्रॅक्टरच्या साहाय्याने आधुनिक तंत्रज्ञानाद्वारे कांदा लागवड करण्याकडे शेतकऱ्यांचा कल वाढला आहे. यामुळे वेळ, पाणी, मजुरी आणि पैशात बचत होत असल्याने उत्पादन खर्चातही बचत होत आहे. येथे उपलब्ध असलेल्या सिंचन सुविधांमुळे शेतकरी सरासरी अर्धा एकरपासून ते दहा एकर क्षेत्रापर्यंत कांदा लागवड करत आहेत..Farming Mechanization: सातारा जिल्ह्यात कृषी यांत्रिकीकरणातून तीन हजार शेतकऱ्यांना लाभ.हुतात्मा बाबू गेनू सागर (डिंभे धरण) १०० टक्के भरल्याने शेतकऱ्यांची पाण्याची चिंता मिटली आहे. परिणामी, घोडनदी, धरणाचा उजवा व डावा कालवा, पोटचाऱ्या व कोल्हापूर पद्धतीच्या बंधाऱ्यांच्या पाणलोट क्षेत्रात उन्हाळ्यातही शाश्वत पाणी उपलब्ध होणार आहे..Labor shortage: मजूरटंचाई कायम; काढणीत अडथळे.या पार्श्वभूमीवर, आंबेगाव तालुका कृषी कार्यालयाने १५ हजार ५०० एकर क्षेत्रात कांदा लागवड होण्याचा अंदाज व्यक्त केला आहे. कळंब, नांदूर, टाकेवाडी, विठ्ठलवाडी, लौकी, महाळुंगे पडवळ, साकोरे, चांडोली बुद्रुक, थोरांदळे आदी गावांतील शेतकऱ्यांनी ट्रॅक्टरच्या साहाय्याने आधुनिक तंत्रज्ञानाद्वारे कांदा लागवड केल्याने सारे काढणे, वावर बांधणे, शेत ओले करणे आदी कामे कमी झाली आहेत. त्यामुळे उत्पादन खर्चाबरोबर पाण्याची बचत होण्यास मदत झाली, असा अनुभव शेतकऱ्यांनी सांगितला..एक एकर क्षेत्रात कांद्याची लागवड केली आहे. त्यासाठी यात्रिक पद्धतीने ११ हजार रुपये लागले. रेन पाईपद्वारे शेतीला पाणी दिले जात आहे. गेल्या वर्षी याच शेतात सारे काढणे, वावर बांधणे आणि २० मजूरांकडून लागवड आदीसाठी १८ हजार रुपये खर्च झाला होता. यावर्षी वेळ, मजुरी आणि पाण्याची बचत झाली आहे.गणेश थोरात (शेतकरी), लौकी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
