Nashik News: महाराष्ट्र राज्य कांदा उत्पादक संघटनेचे अध्यक्ष भारत दिघोळे यांच्या संकल्पनेतून जायगाव (ता. सिन्नर) येथे राष्ट्रीय कांदा भवनाची निर्मिती केली जाणार आहे. याच अनुषंगाने जायगाव येथे झालेल्या बैठकीत भवन उभारणीसाठी शेतकऱ्यांनी एकमताने पाठिंबा दिला..श्री. दिघोळे यांनी बैठकीत प्रकल्पाची माहिती दिली. पहिल्या टप्प्यात जायगाव येथे दोन एकर जागेवर पाच कोटी रुपये खर्चून कांदा भवन उभे राहणार आहे. ते संपूर्णपणे शेतकऱ्यांच्या लोकवर्गणीतून साकारले जाणार आहे..National Onion Bhavan: शेतकऱ्यांच्या देणगीतून उभाणार ‘राष्ट्रीय कांदा भवन’.या उपक्रमामुळे कांदा बियाण्यांपासून कांदा लागवड, कांदा साठवणूक सुविधा, कांदा विक्री, प्रक्रिया ते थेट देशांतर्गत व आंतरराष्ट्रीय निर्यातीपर्यंत सर्व निर्णयप्रक्रिया शेतकऱ्यांच्या हातात येणार आहे. सध्याच्या प्रचलित कांदा विक्री पद्धतीतून शेतकऱ्यांना फार कमी वेळा चांगला भाव मिळाला..सर्वच शेतकऱ्यांना जास्त दराचा फायदा होत नाही. अनेकांना चांगला दर मिळत नसल्याने आर्थिक नुकसान होते. ‘राष्ट्रीय कांदा भवन’च्या निर्मितीनंतर ही स्थिती बदलून दरवर्षी स्थिर, पारदर्शक व शाश्वत दरासंबंधी व्यवस्था उभी करणे शक्य होणार असल्याचे त्यांनी सांगितले..Onion Cultivation: देवणीत कांदा लागवडीकडे शेतकऱ्यांचा कल.हे भवन केवळ इमारत नसून, शेतकऱ्यांचे धोरणात्मक मुख्यालय ठरेल. संशोधन, दर्जात्मक साठवणूक, बाजार विश्लेषण, थेट खरेदी-विक्री यंत्रणा, निर्यात सुलभता, धोरण सल्ला व प्रशिक्षण अशा सुविधा उभारल्या आहेत. .यामुळे मध्यस्थांवरील अवलंबित्व कमी होऊन शेतकऱ्यांचा नफा थेट वाढेल आणि भारतीय कांदा देशांतर्गत तसेच जागतिक बाजारपेठेत अधिक स्पर्धात्मक बनेल, अशी माहिती दिघोळे यांनी दिली. शेतकऱ्यांनी प्रकल्प उभारण्यासाठी सहकार्य करण्याचे आश्वासन दिले. बैठकीसाठी स्थानिक कांदा उत्पादक शेतकरी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
