Pune News: कोथिंबिरीच्या जुडीला १५ दिवसांपूर्वी २० ते २५ रुपयांचा बाजारभाव आणि सद्यःस्थितीत तीन ते चार रुपयांचा बाजारभाव... या तीव्र घसरणीमुळे कोथिंबीर उत्पादक शेतकरी हवालदिल झाला आहे. खर्चाचा ताळमेळ बसवताना अडचण येत असल्यामुळे आर्थिक वैफल्यग्रस्ततेच्या भावनेने शेतकऱ्यांच्या मनात घर केले आहे. .सद्यपरिस्थितीत व मागील चार महिन्यांत एखाद दुसरा अपवाद वगळता कोथिंबिरीच्या वारंवार कोसळलेल्या बाजारभावामुळे या पिकाबाबत शेतकऱ्यांची अवस्था गोंधळल्यासारखी झाली आहे.चालू वर्षी पावसाचे प्रमाण मुबलक असल्याने व त्यातच कांद्याचे बाजारभाव कमी असल्याने बहुतांशी शेतकऱ्यांनी शेतीमधून दोन पैसे मिळविण्यासाठी तरकारी मालाकडे आपला मोर्चा वळवला आहे..Coriander Price: नारायणगावात कोथिंबिर प्रति जुडीला ५७ रुपये दर.विशेषतः पस्तीस-चाळीस दिवसांत येणाऱ्या कोथिंबीर पिकाला विशेष प्राधान्य दिले. बी बियाणे, मशागत, मजुरी यांसाठी एकरी साधारण ३० हजार रुपयांपर्यंत खर्च येत असल्याने हा खर्च शेतकऱ्यांच्या आवाक्यातीलच. मात्र चालू वर्षी नोव्हेंबर महिन्यातील सुरुवातीचे पंधरा दिवस सोडले तर (वीस ते पंचवीस रुपये बाजारभाव) मागच्या चार महिन्यांत कोथिंबिरीचे बाजारभाव जुडीला दहा रुपयांच्या आतच राहिले आहे. त्यामुळे मागच्या तिमाहीत कोथिंबीर उत्पादक शेतकरी ही शेती तोट्याचीच होत असल्याची भावना व्यक्त करत आहेत..Coriander Leaves Rate : कोथिंबीर जुडीला उच्चांकी शेकडा चार हजारांपर्यंत दर.सद्यपरिस्थितीत कोथिंबीर पिकाला जुडीला केवळ तीन ते चार रुपयांचा बाजारभाव मिळत आहे. अर्ध्या एकरात केवळ तेरा हजार रुपये हातात आले. कांदा, कोथिंबीर या शेतकऱ्यांच्या हक्कांच्या पिकांचे बाजारभाव कोसळल्याने शेती करायची तरी कशी हाच प्रश्न आहे.सागर कोकाटे, शेतकरी, गुनाट.शेतकऱ्यांना शेती पिकाबाबत मार्गदर्शन करणाऱ्या यंत्रणा पाहिजे तशा कार्यान्वित नाहीत. एखाद्या पिकाला बाजारभाव मिळाला, की अनेक शेतकरी त्याच पिकाकडे वळतात. परिणामी बाजारभाव कोसळतात. कोथिंबिरीबाबत हेच झाले आहे. मी शेती तज्ज्ञांच्या सल्ल्यानेच कोथिंबीर पीक घेतले. नोव्हेंबर महिन्यात मला जुडीला पंधरा ते वीस रुपयांच्या दरम्यान बाजारभाव मिळाल्याने सव्वा लाख रुपयांचे उत्पन्न मिळाले.दीपक भोरडे, प्रगतशील शेतकरी, गुनाट.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
