Chhatrapati Sambhajinagar News: बायोमिक्स, जैविक खते ही शेतीची शाश्वतता जपण्यासाठी येणाऱ्या काळाची गरज आहे. यांचा जास्तीत जास्त शेतकऱ्यांनी आपल्या शेतीसाठी वापर करणे आवश्यक आहे, असे मत संचालक विस्तार शिक्षण डॉ. राकेश अहिरे यांनी व्यक्त केले..परभणी येथील वसंतराव नाईक मराठवाडा कृषी विद्यापीठ आणि छत्रपती संभाजीनगर कृषी विज्ञान केंद्र यांच्या संयुक्त विद्यमाने नुकताच ८० वा शेतकरी शास्त्रज्ञ ऑनलाइन सुसंवाद कार्यक्रम घेण्यात आला. यात वनामकृविचे कुलगुरू डॉ. इंद्र मणि मिश्रा, भारतीय कृषी संशोधन परिषद केंद्रीय एकात्मिक कीड व्यवस्थापन संशोधन संस्था, नवी दिल्लीचे वरिष्ठ शास्त्रज्ञ डॉ. पी. एन. मीना, मुख्य विस्तार शिक्षण अधिकारी डॉ. प्रशांत देशमुख, केव्हीकेच्या कार्यक्रम समन्वयक डॉ. दीप्ती पाटगावकर, विषय विशेषज्ञ डॉ. बसवराज पिसुरे, डॉ. अनिता जिंतूरकर, डॉ. संजूला भावर, अशोक निर्वळ यांच्यासह विद्यापीठातील आणि कृषी विभागातील अधिकारी, कर्मचारी यांचा सहभाग होता..Agricultural Advice: शेतकऱ्यांच्या उत्पन्नवाढीसाठी त्रिसूत्री मजबूत करण्याची गरज.डॉ. दिप्ती पाटगावकर यांनी प्रास्ताविक केले. कुलगुरू डॉ. मिश्रा म्हणाले, ‘‘जैविक निविष्ठांच्या निर्मितीबद्दल शेतकऱ्यांना मोठ्या प्रमाणात प्रशिक्षण देणे आवश्यक आहे. आणि यासाठी विद्यापीठ मोठ्या प्रमाणावर उपक्रम राबवत आहे.’’ डॉ. अहिरे म्हणाले, ‘‘कृषी विद्यापीठाद्वारे विकसित बायोमिक्स, जैविक खते, द्रवरूप जिवाणू संघ हे आपल्या मराठवाड्यातील सर्वच जिल्ह्यांत असणाऱ्या कृषी विद्यापीठाच्या कृषी विज्ञान केंद्रे, विविध संशोधन व विस्तार संस्थेवर विक्रीसाठी उपलब्ध करून देण्यात आलेले आहेत..Agricultural Advice : उत्पादन वाढीसाठी उसाचे शरीरशास्त्र समजून घेणे गरजेचे.’’ डॉ. मीना म्हणाले, ‘‘विविध पिकांवर येणाऱ्या सर्व रोग आणि किडींच्या नियंत्रणासाठी जैविक निविष्ठा, जैविक घटक उपलब्ध आहेत. शेतकऱ्यांनी यांची माहिती घेऊन त्यांचा प्रभावी वापर करणे आवश्यक आहे. ट्रायकोडर्मा, बिव्हेरिया, बॅसिलस, सुडोमोनास, मेटारायझीयम या निविष्ठांचा पिकाच्या सुरुवातीच्या अवस्थेपासून नियमितपणे वापर करणे आवश्यक आहे.’’ या वेळी त्यांनी मोसंबी, आंबा, ऊस, तूर, आले आदी पिकांमधील कीड व रोगांची लक्षणे, नुकसानीचा प्रकार आणि त्यांचे जैविक निविष्ठांच्या वापरातून एकात्मिक नियंत्रण याविषयी मार्गदर्शन केले. त्यांनी जैविक निविष्ठांचा शेतावर कशा प्रकारे वापर करावा याबद्दल मार्गदर्शन केले..बांधावरील जैविक निविष्ठानिर्मिती प्रशिक्षण आवश्यक असल्याचे सांगून प्रशिक्षणासाठी त्यांच्या संस्थेशी शेतकऱ्यांनी संपर्क साधावा असे आवाहन त्यांनी केले. कार्यक्रमात महाराष्ट्रातील विविध जिल्ह्यातील शेतकरी सहभागी होते. या वेळी शेतकऱ्यांनी विचारलेल्या विविध प्रश्नांची उत्तरेउपस्थित शास्त्रज्ञांमार्फत देण्यात आली. सूत्रसंचालन आणि आभार डॉ. पिसुरे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
