Chhatrapati Sambhajinagar News: खरिपात पीक पेरणीतील इतर प्रमुख खरीप पिकांच्या तुलनेत तूर पिकाचे व्यवस्थापन सोपे आहे. शिवाय कमी खर्चाचे आहे. त्यामुळे शेतकऱ्यांनी कापूस, मका पिकाचे क्षेत्र कमी करत तूर बीडीएन ७११ अथवा गोदावरी वाणाची आवश्य लागवड करावी, असा सल्ला विभागीय कृषी विस्तार शिक्षण केंद्राचे रामेश्वर ठोंबरे यांनी दिला..छत्रपती संभाजीनगर शहरालगत असलेले सातारा शिवारातील सोमीनाथ शिराणे यांच्या तूर गोदावरी वाणाची पाहणी श्री. ठोंबरे यांनी केली. त्या वेळी ते बोलत होते. कृषी विज्ञान केंद्राचे लक्षण शिंदे या वेळी उपस्थित होते..Tur Farming: तूर लागवडीत पीक संरक्षण, खत व्यवस्थापनाला प्राधान्य.ठोंबरे म्हणाले, ‘‘या वर्षीच्या अतिवृष्टीच्या तडाख्यात संपूर्ण क्षेत्र सुरक्षित उत्पादन देण्याचे नसले तरी या तडाख्यात वाचलेला गोदावरी तूर मात्र जिल्ह्याच्या काही भागांत चांगल्या पद्धतीने नजरेत येत आहे. तूर हे कमी खर्चिक पीक आहे. .Tur Farming : तूर शेती शेतकऱ्यांसाठी एक उत्तम पर्याय.शेतीची सुपीकता वाढविणारे पीक आहे. खताची बचत करणारे पीक आहे. त्यामुळे शेतकऱ्यांनी येणाऱ्या खरिपात कोरडवाहू शेतीसाठी बीडीएन ७११ आणि बागायती शेतीसाठी गोदावरी या कृषी संशोधन निर्मित बदनापूर केंद्राच्या वाणाची लागवड करावी.’’.या वेळी श्री. शिराणे म्हणाले, ‘‘आपले शेत मुख्य रस्त्यावर असल्याने अनेक शेतकरी या वाणाची तूर पाहत आहेत. मला या पिकामुळे मोठे समाधान लाभले आहे.’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
