Rasta Roko Protest: कृषी दिनाच्या पार्श्वभूमीवर कर्जमाफी, पीकविमा, शेतीमालाला हमीभाव आणि कृषी निविष्ठांच्या दरवाढीविरोधात शेतकऱ्यांनी बुधवारी (ता. १) अमरावती-परतवाडा मार्गावरील आसेगाव पूर्णा येथे रास्ता रोको आंदोलन केले. या आंदोलनामुळे काही काळ महामार्गावरील वाहतूक पूर्णपणे ठप्प झाली. शेकडो शेतकऱ्यांनी आंदोलनात सहभाग घेतला..लोक विकास संघटनेचे नेते गोपाल भालेराव यांच्या नेतृत्वाखाली झालेल्या आंदोलनात राज्यातील शेतकऱ्यांना विना अट सरसकट कर्जमाफी, सर्व पात्र शेतकऱ्यांना पीकविम्याचा लाभ, शेतीमालाला उत्पादन खर्चाच्या दुप्पट हमीभाव, रासायनिक खतांच्या वाढलेल्या किमती कमी करणे, बियाणे व अन्य कृषी निविष्ठांच्या दरांवर नियंत्रण आणण्यासह विविध मागण्या करण्यात आल्या. रास्ता रोको सुरू होताच अमरावती-परतवाडा महामार्गाच्या दोन्ही बाजूंना वाहनांच्या लांबच लांब रांगा लागल्या होत्या..Farmer Demands: कर्जमाफीच्या आदेशाची जळगाव जामोदमध्ये होळी.आंदोलनादरम्यान कायदा व सुव्यवस्था अबाधित राहावी यासाठी मोठा पोलिस बंदोबस्त तैनात करण्यात आला होता. काही काळ वाहतूक विस्कळीत झाल्यानंतर पोलिसांनी आंदोलनकर्त्यांना ताब्यात घेत रस्ता मोकळा केला..Farmers Protest: सरसकट कर्जमाफीसाठी आज पारनेर तहसीलवर जनआक्रोश मोर्चा.त्यानंतर वाहतूक सुरळीत करण्यात आली. आंदोलनात रमन लंगोटे, इरफान सौदागर, आकाश खेलदार, ऋषिकेश रडके, विजय जवजाळ, अभिजित भोजने, अजय राऊत, मनोहर भेटाळू, सुधीर कावरे, प्रफुल्ल गाजरे, नंदू पारीसे, शुभम काळे, जावेद पठाण, शाम पारीसे आदी उपस्थित होते..प्रमुख मागण्याविना अट सरसकट कर्जमाफी.सर्व पात्र शेतकऱ्यांना पीकविमा.शेतीमालाला उत्पादन खर्चाच्या दुप्पट हमीभाव.रासायनिक खतांच्या वाढलेल्या किमती कमी कराव्यात.बियाणे व कृषी निविष्ठांच्या दरांवर नियंत्रण आणावे.शेतकऱ्यांच्या प्रलंबित प्रश्नांवर तातडीने निर्णय घ्यावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
