Farmers Protest News Updates: मध्य प्रदेशात रब्बी हंगामातील गव्हाची खरेदी सुरु आहे. पण उज्जैन जिल्ह्यात गहू खरेदी ठप्प झाल्याने संतप्त शेतकऱ्यांचा उद्रेक दिसून आला. उज्जैन जिल्ह्याच्या सोडंग येथील एका केंद्रावर बारदानाअभावी आणि ५ पैकी ३ वजन काटे बंद ठेवल्यामुळे गहू खरेदीची प्रक्रिया ठप्प झाली. यामुळे संतप्त झालेल्या शेतकऱ्यांनी बुधवारी दुपारी उज्जैन-नागदा मार्ग रोखून धरला. यामुळे वाहतूक ठप्प झाली होती..सुमारे तासभर शेतकऱ्यांनी आंदोलन चालले. यादरम्यान, सोडंग, चक्रवाडा, रामगड आणि इतर गावांतील शेतकऱ्यांनी त्यांचे ट्रॅक्टर रस्त्याच्या मधोमध आणून उभे केले. आंदोलनस्थळी वरिष्ठ अधिकाऱ्यांनी भेट द्यावी, अशी मागणी करत त्यांनी जोरदार घोषणा दिल्या. पोलिसांनी घटनास्थळी धाव घेत आंदोलनकर्त्यांना शांत करण्याचा प्रयत्न केला. पण, जोपर्यंत संबंधित अधिकारी येत नाहीत, तोपर्यंत रस्त्यातून हटण्यास त्यांनी नकार दिला. .Onion Price Crash: कांद्याच्या गोणी बाजारातच सोडून हताश शेतकरी घरी परतले.तीन दिवसांपूर्वीच बारदान संपले आहे. पण ते उपलब्ध करण्याची व्यवस्था केलेली नाही. पाचपैकी केवळ दोनच वजनकाटे सुरू आहेत. यामुळे कडक उन्हात दोन दिवसांपर्यंत लांब रांगेत ताटकळत रहावे लागत आहे. अनेक शेतमालांनी भरलेल्या ट्रॉली खरेदीविनाच माघारी पाठवल्या जात आहेत. ही बाब आधीच आम्ही अधिकाऱ्यांच्या निदर्शनास आणून दिली होती. पण अधिकाऱ्यांनी त्याकडे दुर्लक्ष केले, असा आरोप शेतकऱ्यांनी केला. .Land Acquisition Protest: शेतकरी एकवटले.त्यानंतर घटनास्थळी पोहोचलेल्या अधिकाऱ्यांनी बारदाअभावी केंद्रावरील केवळ दोनच वजनकाटे सुरु असल्याची पुष्टी केली. त्यांनी शेतकऱ्यांशी चर्चा केल्यानंतर पाच वजनकाटे सुरु केले. तसेच बारदानाचा एक ट्रक खरेदी केंद्रावर पोहोचवण्याची व्यवस्था केली. त्यानंतर शेतकऱ्यांनी आंदोलन मागे घेतले. .दरम्यान, महिदपूर आणि देवास रस्त्यावरील खरेदी केंद्रांवरही बारदानाची टंचाई झाली होती. यामुळे सुमारे २० ट्रॉली गहू खराब असल्याचे सांगत माघारी पाठवण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
