Pune News: जुन्नर तालुक्यात कांदा लागवडीसाठी आता यंत्राचा पर्याय निर्माण झाल्याने शेतकऱ्यांचे पैसे आणि वेळ वाचत आहे. कांदा लागवडीसाठी यंत्राला शेतकऱ्यांकडून मोठी मागणी होत आहे..जुन्नर तालुक्यातील हिवरेतर्फे नारायणगाव येथील शेतकरी भालचंद्र खोकराळे यांच्या शेतात सध्या कांदा रोप लागवड यंत्राच्या साहाय्याने लागवड सुरू आहे. पारंपरिक पद्धतीने एक एकर कांदा लागवड करण्यासाठी २० ते २२ मजूर लागतात. प्रत्येक मजुराला ७०० रुपयांप्रमाणे २२ मजुरांची १५ ते १६ हजार रुपये मजुरी द्यावी लागते, तर मजुरांना ३ हजार रुपये गाडी भाडे वेगळे द्यावे लागते..Onion Planting: रब्बी कांदा लागवड स्थिर राहणार.अशा प्रकारे केवळ कांदा लागवडीसाठी एकरी १८ ते १९ हजार रुपये खर्च येतो. या पारंपरिक लागवडीत पावणे दोन लाख ते दोन लाख कांदा रोपांची एकरी लागवड होते. एका कांद्याचे ७५ ग्रॅम वजनाप्रमाणे एकरी १५ टन कांद्याचे उत्पादन निघते..कांदा लागवडीसाठी मजुरांची टंचाई भासत असल्याने यंत्राच्या साहाय्याने केलेली कांदा लागवड सहज व सोपी होते. यंत्राने कांदा लागवड केल्यास एकरी १३ हजार रुपये खर्च येतो. एक एकर लागवडीसाठी यंत्राला १० तास लागतात. यंत्रामुळे लागवड एकसारखी होऊन कांदा लागवडीत सुसूत्रता येते. यंत्राने लागवड करताना कांदा रोप टाकण्यासाठी ५ मजूर आणि एक चालक अशा केवळ ६ जणांमध्ये ही लागवड केली जाते..Onion Cultivation: कांदा लागवड १८ हजार हेक्टरवर पूर्ण.शेतामध्ये ५ इंच बाय ५ इंच या समान अंतरावर यंत्राच्या साहाय्याने कांद्याची लागवड एकसारखी केली जाते. कांद्याची फुगवण चांगली होऊन कांद्याचा आकार मोठा व एकसारखा होतो. यंत्राच्या साहाय्याने कोरड्या जमिनीत कांदा लागवड केली जाते. यंत्रामुळे कांदा लागवड सुरू असताना शेतकऱ्यांची होणारी धावपळ होत नाही..यंत्राच्या मदतीने होणारी ही कांदा लागवड सारा व बेड पद्धतीने करता येते. बेड पद्धतीत ठिबक सिंचन करता येते, यामुळे जमीन वाफसा अवस्थेत राहते. यंत्राने कांदा लागवड केल्याने लागवडीचा खर्च कमी होऊन उत्पादन वाढते आणि पर्यायाने शेतकऱ्यांच्या उत्पन्नात वाढ होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
