Monsoon Delay Issue: यंदा राज्यात पावसाने ओढ दिल्याने अनेक भागांत पेरण्या रखडल्या आहेत, तर पेरणी झालेल्या ठिकाणीही पावसाच्या खंडामुळे पिके टिकविण्याची चिंता शेतकऱ्यांना सतावत आहे. त्यामुळे आषाढी वारीसाठी पंढरपुरात आलेल्या शेतकरी वारकऱ्यांनी विठ्ठलाच्या चरणी चांगल्या पावसासाठी साकडे घातले..आषाढी एकादशीनिमित्त पंढरपूरात लाखो वारकरी दाखल झाले आहेत. संत ज्ञानेश्वर महाराज, संत तुकाराम महाराज, संत सोपानकाका, मुक्ताई, संत निवृत्तीनाथ, संत एकनाथ महाराज आदींच्या पालखी सोहळ्यांसोबत पायी चालत आलेल्या वारकऱ्यांमध्ये शेतकरी, शेतमजूर, कष्टकरी आणि कामगार यांचे प्रमाण मोठे आहे..Farmer Issue: शेती-मातीचे प्रश्न मांडणार नसाल, तर राजीनामे द्या : किसान सभा.यंदा महिनाभर उशिराने पाऊस सुरू झाल्याने खरीप पेरण्या उशिरा झाल्या. अजूनही अनेक भागांत समाधानकारक पाऊस झालेला नाही. ज्या ठिकाणी पेरण्या झाल्या, तेथेही पावसाने खंड दिल्याने पिकांच्या वाढीची चिंता आहे. त्यामुळे वारीत सहभागी झालेल्या शेतकरी वारकऱ्यांच्या चर्चेतही दुष्काळ आणि पावसाचाच विषय असल्याचे दिसून आले..बीड जिल्ह्यातील फत्तेवडगाव येथील वारकरी गुंड बाबा म्हणाले, की आमच्या भागांत काही ठिकाणी पेरणी झाली, तर काही ठिकाणी अजूनही पाऊसच नाही. अनेक भागांत पेरण्या झालेल्या नाहीत. पाटपाणी असले तरी पाऊस आवश्यक आहे. यंदा दुष्काळाची स्थिती दिसते; पण पांडुरंग पाऊस पाडेल, अशी श्रद्धा आहे..Farmer Issue: न्यायाधीशांना मोफत वीज; मात्र ‘शेतकऱ्यांना पाणी-वीज नाही; शिवसेनेची सरकारवर टीका.सोलापूर जिल्ह्यातील केशव भोसले म्हणाले, ‘‘आमच्या भागात पाऊस कमी आहे. पुणे परिसरात पाऊस पडत असल्याने उजनी धरणात पाणी येईल, अशी आशा आहे. मात्र पावसाअभावी ऊस पिकाला फटका बसत आहे.’’ बुलडाणा जिल्ह्यातील सिंदखेड तालुक्यातील वाघाशी येथील ज्ञानदेव वायाळ म्हणाले, ‘‘झालेल्या पावसावर पेरण्या केल्या; पण पंढरपूरपर्यंत येताना अनेक भागांत पेरणीच झालेली नसल्याचे दिसले. जिथे पेरणी झाली, तिथेही पिके टिकतील की नाही, याची चिंता आहे. देवच पाऊस पाडून शेतकऱ्यांना बरकत देईल.’’.महिनाभरापूर्वी झालेल्या पावसावर पेरणी झाली; पण त्यानंतर पावसाने खंड दिल्याने चिंता वाढली आहे. अनेक ठिकाणी अजूनही पेरण्या झालेल्या नाहीत. यंदा दुष्काळाचे सावट दिसत असले, तरी देव शेतकऱ्यांची काळजी घेईल आणि चांगला पाऊस पाडेल.ज्ञानदेव पवार, शेतकरी, चिखली, जि. बुलडाणा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
