Hingoli News: हिंगोली जिल्हा शेतकरी संघटनेतर्फे गुरुवारी (ता. २८) दुपारी १२ वाजता वसमत येथील कृषी उत्पन्न बाजार समिती मार्केट यार्ड येथे हळद परिषदेचे आयोजन केले आहे. वायदे बाजारातील काही त्रुटी पुढे करून काही व्यापरी वर्ग हळदीला वायदेबाजारातून वगळण्याची मागणी करीत आहे. हळद वायदे बाजारातून वगळली तर दर कोसळतील. त्यामुळे शेतकऱ्यांचे नुकसान होणार आहे..शेतकऱ्यांसाठी अधिक बाजार खुले राहणे फायद्याचे आहे. त्यामुळे वायदे बाजारातून वगळलेल्या तूर, मूग, उडीद, सोयाबीन, हरभरा शेतीमालाचा समावेश वायदे बाजारात करावा. त्रुटी दूर करून वायदे बाजार विकसित करावा. कृषी उत्पन्न बाजार समितीला पर्याय उपलब्ध करून दिला जावा..Turmeric Farming: हळदीमध्ये संतुलित अन्नद्रव्ये व्यवस्थापनावर भर.यावर विचारमंथन करण्यासाठी आयोजित हळद परिषदेला शेतकरी संघटनेचे प्रांत अध्यक्ष ललित बहाळे, स्वतंत्र भारत पक्षाचा राष्ट्रीय अध्यक्ष अनिल घनवट, माजी आमदार वामनराव चटप, सरोजताई काशीकर, शेतकरी संघटनेचे माजी प्रदेशाध्यक्ष गुणवंत पाटील हंगरगेकर, शेतकरी संघटना महिला आघाडी प्रमुख प्रज्ञाताई बापट, स्वतंत्र भारत पक्षाच्या महिला.Turmeric Rate: हळदीच्या दरावरील दबाव कायम.आघाडी प्रमुख सिमाताई नरोडे, शेतकरी संघटना न्यासचे कार्यकारी अध्यक्ष गोविंद जोशी, शेतकरी संघटना युवा आघाडीचे प्रमुख अॅड. दीपक चटप आदी उपस्थित राहणार आहेत. हळद उत्पादक शेतकरी, शेतकरी उत्पादक कंपन्या, महिला बचत गट, युवक शेतकऱ्यांनी उपस्थित राहण्याचे आवाहन करण्यात आले आहे..हळद बाजार समितीच्या नियंत्रणाखालील पिकांच्या सूचित समाविष्ट नाही. तरीही हळदीची खरेदी-विक्री बाजार समित्यांच्या आवारातच होत असल्याने तेथील मोजक्याच परवानाधारक व्यापाऱ्यांची मक्तेदारी आहे. हळदीबाबत शेतकऱ्यांना प्रक्रियेचा मार्ग पुढे न्यायचा असेल तर वायदे बाजाराच्या स्वरूपात व्यापार शेतीचा पर्याय उपलब्ध आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
