Sinnar News: सिंहस्थ कुंभमेळ्यानिमित्त होणाऱ्या रिंग रोडच्या मुद्द्यावर सिन्नर तालुक्यातील चिंचोली, वडगाव पिंगळा आणि पांढुर्ली येथील राज्य मार्ग क्रमांक ३७ साठी गेल्या ५३ दिवसांपासून सुरू असलेल्या शेतकऱ्यांच्या साखळी उपोषणाची दखल प्रशासनाने न घेतल्याने आता आंदोलन तीव्र वळणावर पोहोचले आहे. प्रहार जनशक्ती पक्षाचे प्रमुख आणि माजी राज्यमंत्री बच्चू कडू यांनी शनिवार(ता. १४) रोजी उपोषणस्थळी भेट दिली. यावेळी प्रशासनाच्या कार्यपद्धतीवर संताप व्यक्त करत, शिवजयंतीनंतर नाशिक ते मुंबई मंत्रालय असा भव्य ‘ट्रॅक्टर मोर्चा’ काढण्याचा इशारा यावेळी देण्यात आला..त्र्यंबकेश्वर ते घोटी, नाशिक ते त्र्यंबकेश्वर, भरविहीर ते परदेशवाडी, वाढवण बंदर रस्ता, सातपूर-अंबड रिंग रोड, राजूर एमआयडीसी या मार्गात बाधित होणाऱ्या शेतकऱ्यांची आमदार कडू यांनी भेट घेऊन समस्येबाबत चर्चा केली. यावेळी प्रहार संघटनेचे जिल्हाध्यक्ष शरद शिंदे, भास्कर उगले, भाऊराव झाडे, कचरु गंधास, भाऊसाहेब हराळे, संपत विंचू, शरद सानप, अंबादास झाडे, राजेंद्र झाडे, धोंडिराम झाडे, समाधान झाडे, विजय झाडेसंपत सांगळे, शांताराम कुटे, रवींद्र झाडे, विठ्ठल सानप, ज्ञानेश्वर पागेरे, योगेश हराळे, मुरलीधर नागरे, दगु घुले, गणेश उगले, माधव झाडे, प्रकाश झाडे, नवनाथ नागरे तसेच कोठुळे, गोडसे, सानप, उगले, सांगळे, लांडगे, जगताप, भवार, मुठाळ, विंचू आदी कुटुंबातील सदस्य आणि परिसरातील शेतकरी मोठ्या संख्येने उपस्थित होते..Farmers Protest: शेतीपंपांना दिवसा वीजपुरवठ्यासाठी मोर्चा.वारंवार पत्रव्यवहार आणि विनवण्या करूनही शासन उपोषणकर्त्यांची बाजू ऐकून घेत नाही. दाद देत नसल्याने आता ‘आर या पार’ची लढाई लढण्याचा निर्णय शेतकऱ्यांनी घेतला आहे. शिवजयंती उत्सव पार पडल्यानंतर कोणत्याही दिवशी हे सर्व शेतकरी बिऱ्हाड, मुलेबाळे आणि ट्रॅक्टर घेऊन मुंबई मंत्रालयाच्या दिशेने रवाना होणार आहेत, अशी माहिती यावेळी देण्यात आली..अधिकाऱ्यांकडून उडवाउडवीची आणि असमाधानकारक उत्तरेगेल्या ५३ दिवसांपासून शेतकरी साखळी उपोषण करत असतानाही शासकीय अधिकाऱ्याने दखल घेतली नसल्याचे समोर आले. यावेळी बच्चू कडू यांनी उपोषण स्थळावरून कार्यकारी अभियंता श्री. सोनवणे यांना दूरध्वनीवरून संपर्क साधला. मात्र, अधिकाऱ्यांनी उडवाउडवीची आणि असमाधानकारक उत्तरे दिल्याने उपस्थित शेतकरी आक्रमक झाले. यावेळी बच्चू कडू यांनी अधिकाऱ्यांना खडे बोल सुनावत, ‘‘येत्या दोन दिवसांत शेतकऱ्यांचे प्रश्न मार्गी न लागल्यास थेट तुमच्या दालनात येऊन आंदोलन करू,’’ असा इशारा दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
