Amaravati News : गेल्या हंगामात संततधार पावसामुळे पिकाचे मोठे नुकसान झाले होते. सर्व्हेक्षण व पंचनाम्याचे सोपस्कार पूर्ण करीत मदतीचा अहवाल तयार करण्यात आला. परंतु दहा महिन्यांचा कालावधी लोटूनही शेतकऱ्यांना मदत मिळाली नाही. याविरोधात शेतकरी संघटनेने उपोषणाचा मार्ग पत्करला होता. आमदार व तहसीलदारांच्या मध्यस्थीनंतर हे आंदोलन मागे घेण्यात आले. .अंजनगावसुर्जी तालुक्यात सप्टेंबर २०२४ मध्ये पावसाची संततधार होती. याचा फटका सोयाबीन, कापूस, तूर, मूग उडीद, केळी, लिंबू व संत्रा या पिकांना बसला. मोठ्या क्षेत्रावरील पिके बाधित झाली. नुकसानग्रस्त भागाचे सर्व्हेक्षण व पंचनामे करण्यास पहिल्या टप्प्यात टाळाटाळ करण्यात आली. त्यामुळे शेतकऱ्यांनी आंदोलनाचा इशारा दिला होता..त्याची दखल घेत सर्व्हेक्षण व पंचनाम्याचे सोपस्कार प्रशासनाकडून पूर्णत्वास गेले. त्याआधारे नुकसानीचा अहवाल तयार करुन तो पाठविण्यात आला. मात्र या अहवालातील केवळ संत्रा पिकांचे नुकसान ग्राह्य धरत त्यांना भरपाई देण्यात आली. उर्वरित नुकसानग्रस्तांना मात्र वाऱ्यावर सोडण्यात आले..Crop Damage Compensation : शेती पिकांच्या नुकसानीपोटी ३ कोटी ६० लाख रुपये निधी मंजूर.ता याविरोधात शेतकरी संघटनेने बेमुदत उपोषणाचा मार्ग पत्करला होता. सोमवार (ता. ११)पासून अंजनगावसूर्जी तहसील कार्यालयासमोर या उपोषणाची सुरुवात झाली. शेतकरी संघटनेचे अंजनगाव तालुका प्रमुख संजय हाडोळे व स्वतंत्र भारत पक्षाचे गजानन पाटील दुधाट हे दोघे बेमुदत उपोषणावर बसले होते. .Crop Damage Compensation : सोलापूर जिल्ह्यातील शेतकऱ्यांसाठी ४० कोटींची भरपाई.त्यांच्यासह मागधव गावंडे, सुनील पाटील साबळे, देवीदास पाटील ढोक, अशोक गिते, मनोहर रेचे यांनी साखळी उपोषणाचा मार्ग पत्करला होता. उपोषणस्थळी सुरेश महाराज महानकर शास्त्री, किशोर पाटील काळमेघ, मधू मोरे, ओमप्रकाश मुरतकर, बाबाराव साबळे, संजय हिंगे, अनिल मेमनकर उपस्थित होते..आमदारांची यशस्वी मध्यस्थीशेतकरी संघटनेच्या या आंदोलनाची दखल घेत आमदार गजानन लवटे व तहसीलदार यांनी उपोषणस्थळाला भेट दिली. मंगळवारी (ता. १९) जिल्हाधिकाऱ्यांसोबत चर्चा करून हा प्रश्न निकाली काढला जाईल, असे आश्वासन देण्यात आले. त्यानंतर हे उपोषण मागे घेण्याची घोषणा करण्यात आली. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
