Kolhapur News : जिल्ह्यात गेल्या काही दिवसांपासून झालेल्या अवकाळी पाऊस, गारपीट व अतिवृष्टीमुळे शेती, जनावरे, घरे तसेच सार्वजनिक मालमत्तेचे मोठ्या प्रमाणात नुकसान झाले. याबाबत झालेल्या नुकसानीचे सर्व पंचनामे करून शासनाकडे देय रकमेसाठी प्रस्ताव देण्यात आला होता. .यासाठी शासनाकडे मागणी करण्यात आलेले सर्व अनुदान १८ कोटी ३० लाख ४० हजार रुपये जिल्हा प्रशासनाकडे प्राप्त झाले आहे अशी माहिती सार्वजनिक आरोग्य व कुटुंब कल्याण मंत्री प्रकाश आबिटकर यांनी दिली.शासन जिल्ह्यातील सर्व शेतकऱ्यांच्या पाठीशी असून त्यांना सर्वतोपरी मदत करणार असल्याचेही त्यांनी सांगितले. अतिवृष्टीमुळे जिल्ह्यातील एकूण ६३ मंडळांमध्ये ३८२ गावांमध्ये १२,१२५.५७ हेक्टर क्षेत्र बाधित झाले आहे. .Crop Damage Compensation : संत्रा-मोसंबी बागायतदारांना भरपाई देण्याची मागणी.या आपत्तीमुळे ४७,९०३ शेतकरी बाधित झाले असून या शेतकऱ्यांसाठी १८ कोटी ३० लाख ४० हजार रुपयांचे अनुदान मंजूर करण्यात आले आहे. यापैकी १२,१८४ शेतकऱ्यांना ६ कोटी ६१ लाख ९० हजार रुपये वितरित झाले असून ८०६ शेतकऱ्यांच्या खात्यात ४५ लाख ९० हजार रुपये जमा झाले आहेत. .तथापि, ११,३०६ शेतकऱ्यांचे ई-केवायसी प्रलंबित असून ६ कोटी ११ लाख ७६ हजार रुपयांचे अनुदान देय आहे. प्रलंबित शेतकऱ्यांनी आपले ई-केवायसी तत्काळ करून घेण्याचे आवाहन प्रशासनाकडून करण्यात आले आहे. अतिवृष्टीमुळे २७ गावे स्थलांतरित करावी लागली असून ७१९ कुटुंबांचे पुनर्वसन करण्यात आले आहे. .Crop Loss Compensation : शेतकऱ्यांना हेक्टरी ५० हजार रुपये नुकसानभरपाई, संपूर्ण कर्जमुक्त करा .आपत्तीत ७ मृत्युमुखी पडलेल्यांना प्रत्येकी ४ लाख रुपयांप्रमाणे वारसांना मदत वितरित करण्यात आली आहे. स्थलांतरित ७१९ कुटुंबांपैकी १८७ कुटुंबांना प्रत्येकी १० हजार रुपये प्रमाणे १८.७० लाख रुपये वितरित करण्यात आले असून उर्वरित ५३२ कुटुंबांना अनुदान वाटपाची प्रक्रिया सुरू आहे. .अतिवृष्टीमुळे सार्वजनिक मालमत्तेच्या नुकसानीत जिल्ह्यातील शाळा, रस्ते, स्मशानभूमी, अंगणवाडी, ग्रामपंचायती व इतर विभागांचे नुकसान झाले आहे. त्या अनुषंगाने हे शासन स्तरावर मागणी करण्यात आली असून यासाठीही निधी उपलब्ध केला जाणार आहे..श्री आबिटकर यांनी संबंधित विभागांना तातडीने मदत वाटपाची प्रक्रिया वेगाने पूर्ण करण्याचे निर्देश दिले आहेत. तसेच सर्व शेतकऱ्यांचे ई-केवायसी त्वरित पूर्ण करून मंजूर अनुदान थेट त्यांच्या खात्यात जमा करण्यावर भर देण्याचे आदेशही दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
