Gondia News: भात (धान) उत्पादक शेतकऱ्यांना शासनाकडून देण्यात येणारा बोनस अद्याप मिळालेला नसल्याने शेतकरी वर्गात तीव्र असंतोष पसरला आहे. हा शेतकऱ्यांवर अन्याय असल्याचा आरोप शेतकरी संघटनांनी केला असून १५ दिवसांत खात्यात बोनस जमा न झाल्यास तीव्र आंदोलनाचा इशारा देण्यात आला आहे..धान खरेदी केंद्रांवर धान विक्री केलेले पात्र शेतकरी, त्यात पट्टेदार शेतकऱ्यांचाही समावेश असून, सर्वांना बोनस मिळणे अपेक्षित आहे. मात्र, शासनाच्या दिरंगाईमुळे बोनस तर दूरच, भात विक्रीनंतरची मूळ रक्कमही काही शेतकऱ्यांना अद्याप मिळालेली नाही. त्यामुळे शेतकरी आर्थिक संकटात सापडले आहेत. .Paddy Bonus : सात हजारांवर शेतकऱ्यांना धानाच्या बोनसची प्रतीक्षा.रब्बी हंगामाची लागवड, शेतीची तयारी, कुटुंबाचा दैनंदिन खर्च यासाठी पैशांची नितांत गरज असताना बोनस व विक्रीची रक्कम रखडल्याने शेतकरी हतबल झाले आहेत. खरेदीच्या वेळी सर्व आवश्यक कागदपत्रांची तपासणी करूनही आता बोनस देताना ‘७/१२ नोंदीत तफावत’ अशी कारणे पुढे करून रक्कम थांबवली जात असल्याचे शेतकऱ्यांचे म्हणणे आहे..Paddy Bonus : भाताला ३७५ रुपये बोनस.या अन्यायाविरोधात धान उत्पादक शेतकरी संघटनेच्या वतीने उपविभागीय अधिकारी ज्योती कांबळे तसेच तहसीलदार अनिरुद्ध कांबळे यांना निवेदन देण्यात आले. १५ दिवसांत बोनस व थकित रक्कम अदा न झाल्यास आंदोलनाचा इशारा या निवेदनात देण्यात आला आहे..निवेदन देतेवेळी ललितकुमार बालबुधे, ब्रह्मदास मेघ्राम, शेखर मेघ्राम, सत्यवान कुंभरे, संतोष राऊत, रमेश कुंभरे, हेमराज तेलंगाडे, चंद्रकुमार कावळे आदी शेतकरी उपस्थित होते.शेतकऱ्यांनी सांगितले, की शासनाने जाहीर केलेला बोनस हा शेतकऱ्यांचा हक्क आहे. तो वेळेत न मिळाल्यास शेतकऱ्यांचे आर्थिक गणित कोलमडते. त्यामुळे प्रशासनाने तातडीने हस्तक्षेप करून सर्व पात्र शेतकऱ्यांना बोनस व थकित रक्कम वितरित करावी, अन्यथा तीव्र आंदोलन केले जाईल. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
