Solapur News: शेतकऱ्यांच्या उसाचे पैसे पंधरा दिवसांच्या आत द्या, अन्यथा कारवाई केली जाईल, अशा सूचना सहकार शिरोमणी साखर कारखान्याला देण्यात आल्या आहेत. जिल्हाधिकारी कार्यालयामार्फत याबाबत कारखाना प्रशासनाला तंबी देण्यात आली आहे. .रयत शेतकरी संघटनेकडून या कारखान्यावर शेतकऱ्यांचे पैसे थकवल्याबाबत गुन्हा दाखल करण्याची परवानगी जिल्हाधिकारी कार्यालयाकडे मागण्यात आली होती.पंढरपूर तालुक्यातील भाळवणी येथील सहकार शिरोमणी वसंतराव काळे साखर कारखान्याने शेतकऱ्यांच्या उसाची जवळपास साडेतीन कोटी रुपये रक्कम थकवली आहे..Sugarcane Bill : किसन वीर साखर कारखान्याची ऊसबिले मिळणार कधी?.या कारखान्यावर आरआरसीची कारवाई प्रस्तावित आहे. मात्र महसूल प्रशासनाच्या ढिसाळ धोरणामुळे ही कारवाई पूर्ण होऊ शकली नाही. या संदर्भात रयत शेतकरी संघटनेचे प्रदेशाध्यक्ष प्रा. सुहास पाटील यांनी संबंधित कारखान्यावर गुन्हा दाखल करण्याची परवानगी मागण्याचा अर्ज जिल्हाधिकारी कार्यालयाकडे दाखल केला होता. .Sugarcane Bill : सोलापुरात गाळप हंगामा समाप्तीकडे, पण ऊस उत्पादकांची बिले थकीतच.याबाबत महसूल उपजिल्हाधिकारी संतोष देशमुख यांच्या समवेत संघटनेचे पदाधिकारी व शेतकरी यांची बैठक झाली. या बैठकीनंतर उपजिल्हाधिकारी संतोष देशमुख यांनी कारखाना प्रशासन व साखर सहसंचालक यांच्याशी संवाद साधत शेतकऱ्यांचे पैसे १५ दिवसांच्या आत देण्याच्या सूचना दिल्या. यासंदर्भात कारखान्याने मुदतीत पैसे न दिल्यास कायदेशीर कारवाई केली जाईल, अशी तंबी कारखाना प्रशासनाला दिली..जिल्ह्यातील साखर कारखानदारांनी शेतकऱ्यांची अडवणूक करण्याचे धोरण राबवले आहे. शेतकऱ्यांच्या उसाचे पैसे न दिलेल्या कारखान्यांवर फौजदारी कारवाई केली जावी. आता यासंदर्भात जिल्हाधिकारी कार्यालयाने पंधरा दिवसाचा अवधी दिला आहे. - प्रा. सुहास पाटील, प्रदेशाध्यक्ष, रयत शेतकरी संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
