Akola News : जिल्ह्यात या मोसमात तेल्हारा तालुक्यात कलिंगड पिकाचे अतोनात नुकसान झाले होते. त्याची भरपाई मिळावी तसेच पिकाचा पीकविम्यामध्ये समावेश केला जावा, अशी मागणी या तालुक्यातील शेतकऱ्यांनी कृषिमंत्री दत्तात्रय भरणे यांच्याकडे केली..जिल्हा परिषदेचे माजी उपाध्यक्ष तथा केळी उत्पादक संघाचे जिल्हा कार्याध्यक्ष सुभाष रौंदळे यांनी मुंबई येथे श्री. भरणे, फलोत्पादन मंत्री भरत गोगावले यांची भेट घेत मागण्यांचे निवेदन दिले. तेल्हारा तालुक्यात या वर्षात लागवड केलेल्या कलिंगड, खरबूज पिकाचे अज्ञात रोगाने अतोनात नुकसान झाले होते. शेतकऱ्यांनी केलेला खर्च संपुर्णपणे वाया गेला होता. .Watermelon Cultivation : आगाप कलिंगड लागवड सुरू होणार.या पिकाला पीकविम्याचा आधार नसल्याने शेतकऱ्यांना एक रुपयाचाही आजवर दिलासा मिळालेला नाही. त्यामुळे ही मदत दिली जावी, पीकविमा लागू करावा या प्रमुख मागण्यांसह केळीचे पिक भाऊसाहेब फुंडकर योजनेमध्ये समाविष्ट करणे, केळी तथा इतर फळबागांना नुकसान भरपाई म्हणून २०२४ वर्षासाठीचा विमा तातडीन देण्यात यावा, फळांच्या हमीभावाबाबत धोरण ठरवावे, अशीही मागणी केली..Watermelon Farming: कलिंगड, खरबूज लागवड घटण्याची शक्यता.या मागण्यांबाबत निर्णय घेऊन शेतकऱ्यांना न्याय व दिलासा देण्यात येईल असे श्री. भरणे यांनी यावेळी सांगितले. कलिंगड भरपाई, केळीचा फुंडकर योजनेत समावेश यासाठी केळी उत्पादक संघाचे राज्य समन्वयक सचिन कोरडे, जिल्हाध्यक्ष अनिल इंगळे, कार्याध्यक्ष सुभाष रौंदळे, राजेश वानखडे यांच्यासह सातत्याने पाठपुरावा करीत आहेत. आता हा विषय थेट कृषिमंत्री व फलोत्पादन मंत्र्यांच्या दालनात गेल्याने शेतकऱ्यांना मदतीची आशा लागली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.