Nagpur News: राज्य सरकारच्या पणन मंडळ व आदिवासी विकास महामंडळामार्फत जिल्ह्यात करण्यात आलेल्या तांदूळ खरेदीचे तब्बल २५ कोटी ८७ लाख १६ हजार २८८ रुपयांचे चुकारे अद्याप शेतकऱ्यांना मिळालेले नाहीत. तांदूळ विक्री करून दोन आठवडे उलटूनही पैसे खात्यावर जमा न झाल्याने शेतकरी आर्थिक अडचणीत सापडले असून, पुढील हंगामाच्या तयारीवर याचा परिणाम होत आहे..नागपूर जिल्ह्यात ७ जानेवारीपासून २,७७७ शेतकऱ्यांकडून पणन मंडळाने ९.०९ लाख क्विंटल, तर आदिवासी विकास महामंडळाने १.०९ लाख क्विंटल तांदूळ खरेदी केली. मात्र यापैकी बहुतांश शेतकऱ्यांना अजूनही संपूर्ण किंवा अंशतः पैसे मिळालेले नाहीत..Farmer Issue: शेतकऱ्यांच्या प्रश्नांवर ‘प्रहार’चे कठपुतळी आंदोलन.पणन मंडळाकडे १८ कोटी ६३ लाख ७६ हजार ७०५ रुपये, तर आदिवासी विकास महामंडळाकडे ७ कोटी २३ लाख ३९ हजार ५८३ रुपये इतका चुकारा प्रलंबित आहे. रामटेक तालुक्यातील ७०७ शेतकऱ्यांकडील ३५,७०७ क्विंटल तांदळाचे पैसे अद्याप थकित असल्याची माहिती पुढे आली आहे. जिल्ह्यात रामटेक, मौदा, उमरेड, कुही, कन्हान, काटोल, नरखेड, हिंगणा, कामठी, सावनेर, भिवापूर आदी तालुक्यांत एकूण २७ खरेदी केंद्रांवर तांदूळ खरेदी करण्यात आली. अनेक केंद्रांवर शेतकऱ्यांनी वेळेत तांदूळ दिले; मात्र, देयके वेळेवर न मिळाल्याने नाराजी वाढली आहे..तांदूळ खरेदी झाल्यानंतर ७२ तासांत पैसे मिळणे अपेक्षित असते. प्रत्यक्षात मात्र आठ-दहा दिवस उलटूनही रक्कम खात्यावर जमा होत नसल्याने शेतकऱ्यांना मजूर, खत-बियाणे आणि घरखर्चासाठी उसनवारी करावी लागत आहे. वेळेवर पैसे न मिळाल्यास उन्हाळी पिकांची तयारी, कर्जफेड आणि कुटुंबाचा खर्च करणे कठीण होणार आहे. त्यामुळे शासनाने तातडीने हस्तक्षेप करून सर्व चुकारे लवकरात लवकर अदा करावेत, अशी मागणी शेतकरी संघटनांनी केली आहे..Farmer Issue: पुरंदरमधील वाटाणा उत्पादक अडचणीत.शेतकऱ्यांचा रोषतांदूळ विक्री करून पंधरा दिवस झाले. पैसे न मिळाल्याने सिंचन, खत खरेदी आणि कर्जफेड अडचणीत आली आहे. शासनाने तातडीने चुकारे द्यावेत, अशा शब्दांत रामटेक तालुक्यातील शेतकऱ्यांनी आपला रोष व्यक्त केला..खरेदीचा डेटा अपलोड होण्यात बँक प्रक्रियेमुळे विलंब होत आहे. येत्या आठवड्यात बहुतांश शेतकऱ्यांचे चुकारे जमा होतील.एक अधिकारी, पणन मंडळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
