Nanded News : नांदेड-जालना समृद्धी महामार्गामुळे बाधित शेतकऱ्यांसाठी बरबाद करणारा आहे. यात मागील तीन वर्षापासून वाढीव मावेजा संदर्भात पाठपुरावा करून प्रशासन कोणतीही गोष्ट मान्य करायला तयार नाही.
या अन्यायाला वाचा फोडण्यासाठी ता. २३ डिसेंबर रोजी सकाळी ११ वाजता बाधित गावातील शेतकरी जिल्हाधिकारी कार्यालयासमोर धरणे आंदोलन करणार असल्याची माहिती कृती समितीचे समन्वयक दासराव हंबर्डे यांनी दिली.
जालना-नांदेड समृद्धी महामार्गातील नांदेड तालुक्यातील बारा गावातील जमिनी संपादित होत आहेत. प्रत्यक्ष कामाला सुरवात करण्याच्या तयारीत आहेत. मागील तीन वर्षापासून शेतकरी त्यांच्या जमिनीच्या योग्य मावेजा मिळावा इतर मागण्यासाठी विविध आंदोलन पत्रव्यवहार करीत आहेत.
त्याचाच भाग म्हणून मागील वर्षी हिवाळी अधिवेशनामध्ये खासदार अशोक चव्हाण यांच्या नेतृत्वाखाली तत्कालीन मुख्यमंत्री एकनाथ शिंदे यांनी बाधित गावातील मूळ जमिनीचे फेरमूल्यांकन करण्याबाबत महसूल विभागास आदेशित केले होते.
महसूल विभाग मंत्रालयांच्याकडून जिल्हाधिकाऱ्यांच्याकडून जमिनीच्या फेरमुल्यांकनाबाबत प्रत्यक्ष जमिनीचे बाजारभाव, आजूबाजूच्या गावाचे बाजारभाव व इतर मागण्यांबाबत सविस्तर अहवाल मागितला होता.
त्या अहवालावर महसूल मंत्र्यांच्या अध्यक्षतेखाली पाच जुलै २०२४ रोजी जमिनीचे फेरमूल्यांकन करण्याबाबत आदेश पारित करण्यात आले. तसेच उपमुख्यमंत्री अजित पवार यांनीही रस्ते विकास महामंडळास प्रत्यक्ष जमिनी बागायती व इतर मुद्याबाबत कारवाई करण्याबाबत कळविले होते.
महाराष्ट्र राज्य रस्ते विकास महामंडळाला योग्य ती कारवाई करण्याबाबत जिल्हाधिकाऱ्यांनी आदेशित केले होते. तसेच औरंगाबाद खंडपीठात भूसंपादन अधिकाऱ्यांनी लेखी स्वरूपात मान्य केले. परंतु जिल्हा प्रशासनाने उच्च न्यायालयाचे आदेशाचे पालन केले नाही. जिल्हा प्रशासन, महाराष्ट्र राज्य रस्ते विकास महामंडळाच्या दबावाखाली येऊन मागण्या मान्य करायला तयार नाहीत.
या अन्यायाला वाचा फोडण्यासाठी ता. २३ डिसेंबर रोजी सकाळी ११ वाजता सर्व बाधित गावातील महिला-पुरुष, शेतकरी मोठ्या प्रमाणात उपस्थित राहणार आहेत. न्याय व हक्कासाठी संविधानिक पद्धतीने शेतकऱ्यांच्या लढा मागण्या पूर्ण होईपर्यंत चालू राहणार आहे.
बाधित गावातील शेतकऱ्यांच्या या धरणे आंदोलनास सर्व सामाजिक, राजकीय, शेतकरी संघटनानी पाठिंबा द्यावा असे आवाहन शेतकरी कृती समितीच्या वतीने समितीचे समन्वयक दासराव हंबर्डे, दीपक पाटील, अशोक मोरे, अब्दुल मजीद, अतुल वाघ, संतोष मस्के, गजानन हंबर्डे, फरीद भाई, हरीश हंबर्डे यांनी केले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.