Farmer Felicitation : ‘सीसीआरआय’च्या वर्धापन दिनी प्रयोगशील शेतकऱ्यांचा गौरव

Nagpur News : भारतीय कृषी संशोधन परिषद अंतर्गंत असलेल्या केंद्रीय लिंबूवर्गीय संशोधन संस्थेच्या ४१ व्या वर्धापन दिनाचे औचित्य साधत देशभरातील सहा प्रयोगशील शेतकऱ्यांचा सन्मान करण्यात आला. संस्थेच्या सभागृहात झालेल्या या सोहळ्याच्या अध्यक्षस्थानी लक्ष्मीनारायण अभिनय तंत्रज्ञान विद्यापीठाचे कुलगुरू डॉ. अरुण वैद्य होते.

वर्धापन दिन सोहळ्याला कृषी शास्त्रज्ञ निवड मंडळाचे माजी अध्यक्ष डॉ. चारुदत्त मायी, केंद्रीय लिंबूवर्गीय संशोधन संस्थेचे संचालक डॉ. दिलीप घोष यांची उपस्थिती होती. यावेळी डॉ. घोष यांनी संस्थेच्या ४१ वर्षाच्या वाटचालीचा लेखाजोखा प्रास्ताविकातून मांडला.

भारतीय लिंबूवर्गीय फळांची उत्पादकता, गुणवत्ता आणि निर्यात क्षमता वाढविण्यावर संस्थेकडून लक्ष्य केंद्रित केले जाणार आहे. अशा भविष्यातील उपक्रमांसाठी असलेला धोरणात्मक रोडमॅपचे सादरीकरणही डॉ. घोष यांनी यावेळी केले.

संशोधन व शैक्षणीक क्षेत्रातील सहकार्याच्या उद्देशाने यावेळी लक्ष्मीनारायण अभिनय तंत्रज्ञान विद्यापीठ आणि सीसीआरआय यांच्यात सामंजस्य करारही पार पडला. याच कार्यक्रमात महाराष्ट्रासह देशाच्या विविध भागात दर्जेदार संत्रा उत्पादन घेणाऱ्या संत्रा उत्पादकांचा गौरव मान्यवरांचा सत्कार करण्यात आला.

राजेश जोरे यांचा सन्मान

खडकाळ माळरानावर कमी पाण्यात ठिबकच्या माध्यमातून १५०० झाडांची फळबाग फुलवीत दर्जेदार संत्रा फळांचे उत्पादन घेणाऱ्या बोटोणा (ता. कारंजा घाडगे, वर्धा) येथील शेतकरी राजेश साहेबराव जोरे यांचा यावेळी विशेष सन्मान करण्यात आला.

२०१०-२०११ मध्ये सीसीआरआयकडून मिळालेल्या कलमांची लागवड त्यांनी केली. त्यानंतरच्या काळात अलिमो खुंटावरील रोपेही त्यांनी लावली. सेंद्रिय खतांचा वापर करून जमिनीचे आरोग्य जपत उत्पादकता वाढीचा उद्देशही राजेश जोरे यांनी साधला आहे.

या शेतकऱ्यांचा झाला गौरव

शामसुंदर अग्रवाल (परतवाडा, अमरावती)

प्रमोद वासणकर (अचलपूर, अमरावती)

पाटीदार (मध्यप्रदेश)

मणीपूर