Farmer Protest Mumbai: सरसकट कर्जमुक्तीसाठी शेतकरी आक्रमक झाले आहेत. त्यासाठी क्रांतिकारी शेतकरी संघटनेचे संस्थापक अध्यक्ष रविकांत तुपकर यांच्या नेतृत्त्वाखाली आज विधानभवनासमोर आंदोलन करण्यात आले. सरसकट, विनाअट-विनाशर्त कर्जमुक्ती आणि हक्काच्या पीकविम्याची मागणी करत आंदोलकांनी विधानभवनाच्या दिशेने घुसण्याचा प्रयत्न केला. यामुळे गोंधळ उडाला..यावेळी आंदोलकांकडून शासनाचा जीआर फाडण्यात आला. तसेच सोयाबीन, कापूस, ज्वारी, बाजरी विधानभवनाच्या बाहेर फेकत हे आंदोलन करण्यात आले. यावेळी तुपकर यांच्यासह त्यांच्या संघटनेच्या पदाधिकाऱ्यांना पोलिसांनी ताब्यात घेतले. .Farmer Protest: शेतीपंपांना केवळ दोन तास वीज; करमाळा तालुक्यातील शेतकरी आक्रमक.आज आम्ही विधानभवनात जाण्याचा प्रयत्न करत आहोत. सरकारने कर्जमाफीत आम्हाला फसवले आहे. कर्जमाफी योजनेतील जाचक अटी आणि निकष काढून टाकावेत. ही आमची मागणी आहे. हक्काचा पीक विमा मिळावा. सरसकट सातबारा कोरा झाला पाहिजे, अशा घोषणा तुपकर यांनी दिल्या. .Farm Loan Waiver: शेतकरी कर्जमुक्ती; कोणत्या बँकांकडून घेतलेले पीक कर्ज माफ होणार?.शेतकरी झाडावर चढलेतसेच मंत्रालयासमोर काही शेतकरी झाडावर चढले. सरकारची फसवी कर्जमाफी आम्हाला मान्य नाही, असा पवित्रा शेतकऱ्यांनी घेतला. याआधीही तुपकर यांनी सरसकट कर्जमुक्तीसाठी पाच दिवस अन्नत्याग आंदोलन केले होते. .'सरकारने शब्द फिरवला'सरकारने ३० जूनपर्यंत कर्जमाफीबाबत निर्णय घेण्याचे आश्वासन दिले होते. पण ही तारीख पुढे ढकलली गेली आहे. हा केवळ विलंब नाही, तर शेतकऱ्यांच्या विश्वासाशी केलेला विश्वासघात आहे. पाच दिवस मी अन्नत्याग आंदोलन केले. राज्यभर शेतकरी रस्त्यावर उतरला आहे. सरकारने चर्चा करून सकारात्मक निर्णय घेण्याचे आश्वासन दिले होते. पण बैठकीचा साधा निरोपही आलेला नाही. सरकारने शब्द फिरवला असून, चालढकल थांबवावी. शेतकऱ्यांच्या संयमाची परीक्षा पाहू नये, असा इशारा तुपकर यांनी याआधी दिला होता. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
