Sangola News : नीरा उजवा कालवा सांगोला शाखा फाटा क्रमांक पाचला पाणी मिळावे, यासाठी ढाळेवाडी फाटा, महूद, ता. सांगोला, जि. सोलापूर या ठिकाणी शेतकऱ्यांनी गुरुवारी (ता. २४) ठिय्या आंदोलन केले. ‘आम्हाला नेहमी आंदोलन केल्याशिवाय पाणी मिळणारच नाही का? आमच्या तालुक्यावरच पाण्यासाठी अन्याय का होतोय?’ असा संतापही शेतकऱ्यांनी या वेळी व्यक्त केला.
नीरा उजवा कालव्याचे पाणी ‘टेल टू हेड’ याप्रमाणे द्यावे, असे असताना देखील सांगोला तालुक्यातील टेलला असणाऱ्या फाट्यावरील मेथवडे, संगेवाडी, मांजरी, शिरभावी इत्यादी गावांना अद्यापही नीरा उजवा कालव्याचे पाणी मिळाले नाही. कालव्याच्या फाट्यांवरील असलेल्या शेवटच्या गावांवरील शेतीसाठी अगोदर पाण्याची व्यवस्था केली असताना, देखील पाणी का मिळत नाही, असे येथील शेतकरी बोलून दाखवत आहेत. सततच्या या मागणीकडे दुर्लक्ष केले जात असल्याने नीरा उजवा सांगोला फाटा क्रमांक पाचला अद्यापही पाणी दिले नसल्याने या फाट्यावरील शेतकऱ्यांनी नाराजी व्यक्त करत ढाळेवाडी, महूद येथे ठिय्या आंदोलन सुरू केले आहे.
नियमाप्रमाणे ‘टेल टू हेड’ पाणी दिले पाहिजे, असे असतानाही सांगोला तालुक्यावरच पाणीवाटपासाठी नेहमी अन्याय होत आहे. तालुक्यातील नीरा उजवा पाणी वेळेवर का व कोणामुळे मिळत नाही? याला जबाबदार कोण असा प्रश्‍न सध्या शेतकरी विचारत आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.