Pune News: छत्रपती संभाजीनगर जिल्ह्यातील पैठण तालुक्यातील खादगाव येथील संजय शेषराव कोहकडे यांनी आत्महत्या केल्याची दुःखद घटना घटली आहे. शेतात पाणी शिरून नुकसान झाल्याने कोहकडे यांनी तक्रार दिली होती. नुकसानीचा पंचनामा सुरु असतानाच महसूलच्या अधिकाऱ्यांनी अपमान केल्याने आणि कारवाईची धमकी दिल्याने शेतकरी संजय कोहकड यांनी विहिरीत उडी घेऊन आत्महत्या केली..खादगाव–खेर्डा रस्त्याच्या कामादरम्यान ठेकेदाराने दोन्ही बाजूंनी नाले खोदल्याने पावसाचे पाणी थेट कोहकडे यांच्या शेतात शिरून पिकांचे मोठ्या प्रमाणावर नुकसान होत होते. तसेच शेतात जाण्यासाठी असलेला रस्ता बंद झाल्यामुळे त्यांनी महसूल मंडलाधिकारी शिंदे आणि तलाठी गोजरे यांच्याकडे कारवाई करण्याची तक्रार केली होती..Farmers Issue : शेतकऱ्यांनो, आत्महत्येचा मार्ग अवलंबू नका.या तक्रारीनंतर मंगळवारी (ता. १६) मंडलाधिकारी, तलाठी नुकसानीच्या पंचनाम्यासाठी कोहकडे यांच्या शेतात आले. यावेळी काही ग्रामस्थ आणि कोहकडे यावेळी उपस्थित होते. यावेळी अधिकारी आणि शेतकऱ्यांमध्ये कुजबूज झाल्यानंतर अधिकाऱ्यांनी कोहकडे यांनाच उलट दोषी ठरवत, विनाकारण अडथळा केल्यास गुन्हा दाखल करू अशी धमकी दिली. या प्रकारानंतर, नाराज आणि अपमानित झालेल्या कोहकडे यांनी सर्वांसमोरच विहिरीत उडी मारली. पण त्यांना पोहता येत नसल्याने जागीच त्यांचा मृत्यू झाला..Farmer Issue: तरुण शेतकऱ्याने विविध मागण्यांसाठी घेतली नदीत उडी; शेतकरी बेपत्ता,प्रशासनाकडून शोध मोहीम सुरू.त्यानंतर, शेतकरी संजय कोहकडे यांचा मृतदेह पाचोड ग्रामीण रुग्णालयात आणण्यात आला. पण नातेवाईकांनी ठाम भूमिका घेतली की, जोपर्यंत मंडलाधिकारी, तलाठी आणि ठेकेदाराविरुद्ध गुन्हा दाखल होत नाही, तोपर्यंत आम्ही पुढील वैद्यकीय तपासणी होऊ देणार नाही. त्यामुळे रुग्णालयाबाहेर मोठा तणाव निर्माण झाला होता..या सर्व घटनेनंतर, सायंकाळी पोलिसांनी खात्री दिली की सर्व दोषींवर कायदेशीर कारवाई होईल. त्यानंतरच नातेवाईकांनी मृतदेह तपासणीसाठी मान्य केले. रात्री उशिरापर्यंत तपासणीचे काम पार पडले. पोलिसांनी सांगितले की अंत्यसंस्कारानंतर बुधवारी (ता. १७) याप्रकरणी गुन्हा दाखल केला जाईल. परंतू, या घटनेमुळे संपूर्ण परिसरात हळहळ व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
