Rural Road Access Issue: शेतरस्ते अडविणाऱ्या किंवा त्यावर अतिक्रमण करणाऱ्या व्यक्तींचे आधार कार्ड आणि ‘फार्मर आयडी’ पाच वर्षांसाठी ब्लॉक करण्यात येणार आहे. अशा व्यक्तींना कोणत्याही शासकीय योजनांचा लाभ मिळणार नाही, असा स्पष्ट इशारा महसूलमंत्री चंद्रशेखर बावनकुळे यांनी शुक्रवारी (ता. २७) माध्यमांशी बोलताना दिला..‘मुख्यमंत्री बळीराजा शेत पाणंद रस्ते’ योजना प्रभावीपणे राबविण्याबाबत सरकारची भूमिका मंत्री बावनकुळे यांनी स्पष्ट केली. मुख्यमंत्री फडणवीस यांच्या सूचनेनुसार ही नियमावली तयार करण्यात आली आहे. गाव नकाशावर असलेल्या किंवा शासकीय जमिनीवरील रस्त्यांवर अतिक्रमण आढळल्यास संबंधितांना तहसीलदार सात दिवसांची नोटीस देतील..Farm Road: शेतरस्त्यांवर अतिक्रमण केल्यास सरकारी योजनांचा लाभ बंद होणार; राज्य सरकारचा महत्वाचा निर्णय.या मुदतीत अतिक्रमण न काढल्यास शासन स्वतः ते हटवेल आणि संबंधित अतिक्रमणधारकाला पाच वर्षांसाठी सर्व सरकारी लाभांपासून वंचित ठेवले जाईल. महामार्ग किंवा रेल्वे प्रकल्पांमुळे शेतरस्ते बंद झाले असल्यास ‘राइट ऑफ वे’ अंतर्गत सर्व्हिस रोड उपलब्ध करून देऊन शेतकऱ्यांचा रस्ता मिळवण्याचा हक्क अबाधित ठेवला जाईल, असेही त्यांनी नमूद केले..Farm Road Dispute: बांधावरच्या न्याय निवाड्यातून कोपरगावात ७५ वाद निकाली.विभागातील ४०० गैरप्रकार उघडपुणे विभागात महसूल अधिकाऱ्यांच्या संगनमताने जमिनींचे मोठे गैरप्रकार समोर आले आहेत. अंदाजे चार हजार प्रकरणांची तपासणी केली असता, त्यातील चारशे प्रकरणांत कलम १५५ चा गैरवापर करून दुसऱ्यांच्या नावावर जमीन केल्याचे निदर्शनास आले आहे. या प्रकरणी दोषी अधिकाऱ्यांची चौकशी सुरू असून, काहींना सक्तीच्या रजेवर पाठवण्यात आले आहे. कोकण विभागातही अशाच प्रकरणांच्या चौकशीसाठी विशेष पथक स्थापन करण्यात आले आहे..पुण्यातील मुंढवा जमीन प्रकरणातही तीन हजार कोटींची मालमत्ता सरकारच्या ताब्यात परत आली असून, कोणत्याही दोषी अधिकाऱ्याला ‘क्लीन चीट’ दिली जाणार नाही. तसेच जमिनी दान करताना मुद्रांक शुल्क (स्टॅम्प ड्यूटी) माफीचा निर्णय घेतल्याने मंदिरांच्या मालमत्तांची नोंदणी आता अधिक सुलभ होणार असल्याचेही बावनकुळे यांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
