Maharashtra Government GR: पुण्यश्लोक अहिल्यादेवी होळकर शेतकरी कर्जमुक्ती योजनेसाठी (Farm Loan Waiver) २०२६-२७ या आर्थिक वर्षात २० हजार ५५२ कोटी रुपये इतका निधी मंजूर आहे. यातील सद्यस्थितीत ६ हजार ५५१ कोटी निधी शिल्लक आहे. या निधीपैकी ४ हजार कोटी निधी वितरीत करण्यास शासनाने मंजुरी दिली आहे. याबाबतचा शासन निर्णय सहकार विभागाने जारी केला आहे..शेतकरी कर्जमुक्ती योजनेसाठी सन २०२६-२७ या आर्थिक वर्षामध्ये पुरवणी मागणीद्वारे २० हजार ५५२ कोटी इतका निधी मंजूर करण्यात आला आहे. सदर योजनेच्या अंमलबजावणीसाठी १४ हजार कोटी इतका निधी सहकार विभागाला उपलब्ध करुन देण्यात आला आहे. आता सहकार आयुक्त कार्यालयाकडून प्राप्त झालेल्या प्रस्तावानुसार पात्र कर्जखात्यांमध्ये लाभाची रक्कम थेट बँक खात्यामध्ये वितरीत करण्यासाठी आणखी चार हजार कोटी निधी मंजूर केला आहे. .Farm Loan Waiver Fourth List: कर्जमाफीची चौथी यादी जाहीर, १ लाख १५ हजार ६९७ पात्र शेतकऱ्यांचा समावेश.आतापर्यंत १५.८५ लाख शेतकऱ्यांना कर्जमुक्तीचा लाभ मिळाला आहे. आतापर्यंत पात्र शेतकऱ्यांच्या कर्जखात्यांवर एकूण १३ हजार २७५ कोटी रुपये जमा करण्यात आले आहेत. तर या योजनेच्या पोर्टलवर बँकांकडून ३१.१७ लाख थकीत कर्जखात्यांची माहिती अपलोड करण्यात आली आहे. .Farm Loan Waiver Third List: कर्जमाफीची तिसरी यादी जाहीर, ३ लाख ५१ हजार १९२ शेतकऱ्यांचा समावेश .शेतकरी कर्जमुक्तीची चौथी यादी नुकतीच जाहीर करण्यात आली. त्यात एकापेक्षा अधिक बँकांत कर्जखाती असलेल्या १ लाख १५ हजार ६९७ पात्र शेतकऱ्यांचा समावेश आहे. या पात्र शेतकऱ्यांनी संबंधित बँक शाखा, विकास संस्था किंवा ग्रामपंचायतीमध्ये यादी तपासून आधार प्रमाणीकरण पूर्ण करावे, असे आवाहन करण्यात आले आहे..पहिल्या यादीत १६ लाख ९६ हजार २०१ शेतकऱ्यांचा समावेश होता. दुसऱ्या यादीत ४ लाख १९ हजार ७३७ आणि तिसऱ्या यादीत ३ लाख ५१ हजार १९२ अशा एकूण २४ लाख ६७ हजार १३० पात्र शेतकऱ्यांच्या याद्या प्रसिद्ध केल्या आहेत. तर नुकतीच एकापेक्षा अधिक बँकांमध्ये कर्जखाती असलेल्या आणि दोन लाख रुपयांपेक्षा कमी थकबाकी असलेल्या १ लाख १५ हजार ६९७ पात्र शेतकऱ्यांची यादी आधार प्रमाणीकरणासाठी प्रसिद्ध केली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
