Jalgaon News: खानदेशात मका पिकात अमेरिकन लष्करी अळीची समस्या कायम आहे. दीड महिन्याच्या पिकात दोन वेळा फवारण्या घेऊनही अळीचे संकट भेडसावत असून, त्यामुळे शेतकरी मेटाकुटीस आले आहेत. .अद्यापपर्यंत कृषी विभागाने यासंबंधी कुठलेही उपाय योजलेले नाहीत. तसेच कुठलीही जनजागृती वा निविष्ठांबाबत मार्गदर्शन उपक्रमही घेतलेला नाही. यामुळे शेतकऱ्यांना कृषी केंद्रचालकांचे त्रोटक मार्गदर्शन व त्यांच्याकडून खरेदी केलेल्या निविष्ठा, संप्रेरकांवर अवलंबून राहावे लागत असून आजवर यासाठी मोठा खर्च झाला आहे, अशी कैफियत शेतकऱ्यांनी मांडली..Maize Farming: कमी खर्चात मक्याचे जास्त उत्पादन घेण्यासाठी टिप्स.खरिपातील काढणीनंतर मक्याचे दर टिकून होते. परंतु अनेकांनी रोगराईमुळे लागवड टाळली. यंदा खानदेशात मक्याची लागवड सुमारे १ लाख १० हजार हेक्टरवर झाली आहे. सध्या लागवड स्थिर असून, २०१८ पर्यंत ही लागवड ४० ते ४५ हजार हेक्टरपर्यंत करण्यात येत होती. परंतु दरवर्षी पिकात अमेरिकन लष्करी अळीचा प्रादुर्भाव होत असल्यामुळे ती आटोक्यात आणण्यासाठी शेतकऱ्यांना सातत्याने फवारण्या घ्याव्या लागत आहेत, ही वस्तुस्थिती असल्याचे शेतकऱ्यांनी सांगितले..यासंबंधी कृषी विभाग फक्त शेतकऱ्यांकडे भेट देऊन आपले काम पूर्ण करण्याची औपचारिकता पार पाडत आहे. भेट दिल्यानंतर पुढे काय, असे कृषी यंत्रणांना विचारल्यास कुठलेही समाधानकारक उत्तर येत नाही, असा आरोप शेतकरी करत आहेत..Maize Farming: मका : आव्हाने अन् संधी.आजघडीला मात्र कृषी विभाग यासंदर्भात बघ्याची भूमिका घेत असल्याचे चित्र आहे. जळगाव जिल्ह्यात चोपडा, यावल, रावेर, जळगाव, एरंडोल, धरणगाव, धुळ्यातील शिरपूर, धुळे, साक्री, नंदुरबारमधील शहादा, नवापूर, तळोदा आदी सर्वच भागांत मका पिकात अमेरिकन लष्करी अळीची समस्या आहे..विविध टप्प्यांत लागवडमका पिकाची लागवड खानदेशात ऑक्टोबरपासून सुरू झाली. मागील महिन्याच्या अखेरीसदेखील लागवड झाली आहे. सर्वाधिक लागवड नोव्हेंबरच्या दुसऱ्या व तिसऱ्या आठवड्यात झाली आहे. मका बियाणे दरही मागील वर्षी काही कंपन्यांनी वाढविले. फवारणीवर एक एकरसाठी दीड ते दोन हजार रुपये खर्च एक वेळेस आला आहे. दीड महिन्याच्या पिकात दोन फवारण्या झाल्या आहेत. आणखी एक फवारणी घ्यावीच लागेल, असे चित्र आहे. त्यात अळीनाशके, कीडनाशके व संप्रेरके, अन्नघटक शेतकरी देत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
