Solapur News : आर्थिक फसवणूक करण्याच्या उद्देशाने पंतप्रधान शेतकरी सन्मान योजनेतील लाभार्थींच्या मोबाईलवर बनावट संदेश पाठविण्यात येत असल्याचे दिसून आले आहे. त्या पार्श्‍वभूमीवर केंद्रीय कृषी मंत्रालयाने पीएम- किसान लाभार्थींना बनावट संदेशांपासून सावध राहण्याचे आवाहन केले आहे.
तसेच २०व्या हप्त्याच्या अद्ययावत माहितीसाठी केवळ अधिकृत स्रोतांवर अवलंबून राहा, असा इशारा दिला आहे. अचूक माहितीसाठी शेतकऱ्यांनी अधिकृत संकेतस्थळ आणि सत्यापित सोशल मीडिया हँडल तपासण्याचा सल्लाही दिला आहे.
अलीकडे पीएम किसान योजनेच्या लाभार्थींच्या मोबाईलवर अनेक फसवे संदेश आणि ऑनलाइन बनावट घोषणा आढळल्या आहेत, ज्यामध्ये लवकर अनुदान वितरणाची माहिती किंवा लाभार्थी यादीच्या लिंक्स देण्याचा खोटा दावा केला गेला आहे.
त्यामुळे कृषी आणि शेतकरी कल्याण मंत्रालयाने शेअर केलेल्या या सूचनापत्रात पीएम- किसान योजनेशी संबंधित अद्ययावत माहितीसाठी केवळ अधिकृत स्रोतांवर अवलंबून राहण्याचे आवाहन केले आहे.
फसव्या लिंकला क्लिक करू नका
‘एक्स’वरील अधिकृत पीएम-किसान हँडलवर पोस्टर शेअर करण्यात आले आहे. शेतकऱ्यांना लिंक्सवर क्लिक करावयास सांगणे, वैयक्तिक माहिती शेअर करण्यास किंवा चुकीच्या अनुदान वितरण तारखांवर विश्वास ठेवावयास लावणे यासाठी संदेश तयार केले गेले आहेत. त्यावर क्लिक केल्यास शेतकऱ्यांची आर्थिक फसवणूक आणि वैयक्तिक डेटाचा गैरवापर होऊ शकतो.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.