Agriculture Export : निर्यातीचे वाहतूक भाडे कमी होऊनही निर्यात घटली

Export News : कोरोनामुळे आयात निर्यातीत अडचणी येत होत्या. अनेक बंदरांवर जहाजे थांबून होती. त्यामुळे फ्रेटचे भाडे १८ हजार डाॅलरपर्यंत वाढले होते.

सध्या फ्रेट भाडे ७५० डाॅलरपर्यंत कमी झाले. पण जागतिक आर्थिक मंदीच्या स्थितीमुळे आयात निर्यात धीमी झाली. या संधीचा निर्यातदारांना फायदा घेता येत नाही. त्यामुळे शिपिंग कंपन्यांना व्यवसाय मिळत नाही.

कोरोना (CORONA) काळात सर्व अर्थव्यस्था ठप्प झाल्या होत्या. आयात निर्यातीवर त्याचा परिणाम झाला. जहाजे वेगवेगळ्या देशांच्या बंदरांवर थांबून होती. कंटेनर्स रिकामे करण्यास विलंब होत होता. त्यामुळे फ्रेट भाड्यामध्ये मोठी वाढ झाली होती.

२०२० ते २०२२ या काळात फ्रेटचे भाडे विक्रमी पातळीवर होते. भाडे १८ हजार डाॅलरपर्यंत वाढले होते. पण फ्रेट भाड्यामध्ये जानेवारी २०२३ पासून घट झाली. युरोपमधील दक्षिणेतील भागाती निर्यातीसाठीचे भाडे ७५० डाॅलरपर्यंत कमी झाले, असे वृत्त बिझनेसलाईनने दिले.

केरळमधील अलाप्पुझा येथील काॅयर निर्यातदार महादेवन पविथरन यांनी सांगितले की, आयातदार देशांमधून मागणी कमी झाल्याने काॅयर निर्यात ३० टक्क्यांनी घटली.

महागाई वाढल्यानंतर लोक जिवनाश्यक वस्तुंना प्राधान्य देतात. प्राधान्यक्रमानुसारच खरेदी होते. त्याचा फटका काॅयर निर्यातीला बसत आहे. त्यामुळे काॅयर निर्यात ३० टक्क्यांनी घटली. त्यामुळे दरात मोठी घट झाली.