Nashik News : नाशिक जिल्ह्यातील बाजार समिती निवडणुकीच्या (Market Committee Election) रणधुमाळीस सुरवात होत आहे. एकूण १४ बाजार समित्यांसाठी दोन टप्प्यांत मतदान होत असून, त्यासाठी सोमवार (ता. २७) पासून अर्ज दाखल करण्यास सुरवात झाली आहे.
३ एप्रिलपर्यंत अर्ज दाखल करण्यासाठी मुदत देण्यात आली आहे. लांबलेल्या निवडणुका निश्चित झाल्यानंतर निवडणूक प्रक्रियेसाठी अनेक इच्छुकांनी पहिल्या दिवशी उमेदवारी अर्ज दाखल करण्यासाठी अर्ज घेतले.
जिल्ह्यातील १४ बाजार समित्यांसाठी दोन टप्प्यांत मतदान प्रक्रिया राबवली जात आहे.पहिल्या टप्प्यात २८ एप्रिलला जिल्ह्यातील पिंपळगाव बसवंत, नाशिक, घोटी, येवला,मालेगाव, चांदवड, देवळा, कळवण, सुरगाणा, दिंडोरी,सिन्नर,नांदगाव या बाजार समित्यांसाठी मतदान होईल.
२९ एप्रिलला मतमोजणी होईल. दुसऱ्या टप्यांत लासलगाव आणि मनमाड बाजार समितीसाठी ३० एप्रिलला मतदान अन् त्याच दिवशी मतमोजणी होईल. दोन टप्प्यांत मतदान होणार असले तरी सर्व बाजार समित्यांसाठीएकाचवेळी २७ मार्चपासून अर्ज दाखल करण्यास प्रारंभ होत आहे.
२७ मार्च ते ३ एप्रिलदरम्यान अर्ज दाखल करण्यासाठी मुदत असून, ५ एप्रिलला अर्जांची छाननी होईल. छाननीनंतर ६ एप्रिलला उमेदवारी यादी जाहीर केली जाईल. २० एप्रिलपर्यंत माघार घेता येणार आहे. २१ एप्रिल उमेदवारांची अंतिम यादी प्रसिद्ध करून चिन्हाचे वाटप होईल.
पॅनल निर्मितीसाठी बैठकांना जोर..
बाजार समित्यांसाठी अर्ज दाखल करण्यास सुरवात होत असताना दुसरीकडे पॅनल निर्मितीसाठी राजकीय घडामोडींना वेग आला आहे. बाजार समिती कार्यक्षेत्रातील नेत्यांकडून उमेदवारांची चाचपणी सुरू आहे. रिंगणात उतरण्यासाठी इच्छुकांची गर्दी झाल्याने दिसून येत आहे.
निवडणुकांना सामोरे जाताना जिल्ह्यातील आजी-माजी लोकप्रतिनिधी तयारीत आहेत. सत्ता आपल्याकडे काबीज करण्यासाठी अनेक डावपेच आखले जात आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
