Food Security: मॉन्सून हंगामात 'एल निनो'चा धोका उद्भवण्याची शक्यता आहे. यामुळे या परिस्थितीचा सामना करण्यासाठी केंद्र सरकारने पावले उचलली आहे. 'एल निनो' धोक्याच्या पार्श्वभूमीवर केंद्र सरकारने ४३ लाख टन कडधान्यांचा बफर साठा तयार ठेवला आहे. .कडधान्यांचा हा साठा संभाव्य 'एल निनो' हवामानाच्या परिस्थितीमुळे पुरवठा साखळीत कोणताही व्यत्यय आल्यास अथवा दरातील अचानक वाढ रोखण्यास मदत करेल, असा सरकारचे म्हणणे आहे. .El Nino Impact: कृषिक्षेत्राला ‘एल निनो’च्या झळा; भारतीय रिझर्व्ह बँकेचा वार्षिक अहवालात इशारा."आताच हा कडधान्ये साठा बाजारात आणला जाणार नाही. जर 'एल निनो'च्या प्रभावाने खरीप हंगामातील पेरणीवर परिणाम झाला, त्यावेळी कडधान्यांचा हा बफर साठा वापरला जाईल," असे ग्राहक व्यवहार सचिव निधी खरे यांनी 'एफआयसीसीआय'च्या एका कार्यक्रमादरम्यान बोलताना सांगितले..El Nino 2026 : जूनपर्यंत एल निनो सक्रीय होण्याची चिन्हं; ऑस्ट्रेलियाच्या हवामान विभागाचा अंदाज.सरकारकडील आकडेवारीनुसार, सध्याचा ४३ लाख टन साठा हा मे २०२५ मधील १८ लाख टनांच्या तुलनेत दुपटीहून अधिक आहे. तसेच, तो मे २०२४ मधील २१ लाख टन साठ्यांच्या तुलनेत लक्षणीयरीत्या अधिक आहे..देशांतर्गत उत्पादनाला चालना देणे, आयातीवरील अवलंबित्व कमी करणे आणि सर्वसामान्यांना किमतीतील चढ-उतारांपासून संरक्षण देणे या उद्देशाने केंद्र सरकारने राबविलेल्या निश्चित हमी खरेदी धोरणामुळे कडधान्ये साठ्यात वाढ झाली असल्याचे केंद्राचे म्हणणे आहे.. कडधान्ये साठवणुकीची चिंता फेटाळलीदरम्यान, कडधान्यांच्या साठवणूक संदर्भातील चिंता फेटाळून लावण्यात आली आहे. कडधान्ये हा काही नाशवंत शेतमाल नाही. यामुळे त्यांची दोन ते तीन वर्षे सुरक्षितपणे साठवणूक करता येते, असे अधिकारी सांगतात. .भारतीय हवामान विभागाने जून ते सप्टेंबर दरम्यानच्या मॉन्सून हंगामात सरासरीपेक्षा कमी पावसाचा अंदाज वर्तवला आहे. पुढील काही महिन्यांत 'एल निनो' परिस्थिती तयार होण्याची शक्यता आहे. याचा खरीप पिकांना फटका बसू शकतो. या परिस्थितीचा सामना करण्यासाठी कृषी मंत्रालयाने आपत्कालीन कृती आराखडा तयार करण्यास आधीच सुरुवात केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
