El Nino Effect on Agriculture: विषुववृत्तीय प्रशांत महासागरातील पाण्याच्या तापमानात मोठी वाढ झाल्याने ‘एल निनो’ स्थिती तयार झाली आहे. पुढील काही महिन्यांत ही स्थिती अत्यंत तीव्र स्वरूप धारण करण्याची चिन्हे आहेत. त्यामुळे जगभरातील पर्जन्यमान आणि तापमानाच्या पद्धतींवर मोठा परिणाम होऊ शकतो. त्याचबरोबर पूर, दुष्काळ आणि तीव्र उष्णतेचा धोका वाढण्याची शक्यता असल्याचे जागतिक हवामान संघटनेने (डब्ल्यूएमओ) म्हटले आहे..जागतिक हवामान संस्थेच्या हवामान अंदाजानुसार, एल निनो फेब्रुवारी २०२७ पर्यंत कायम राहण्याची शक्यता जवळपास १०० टक्के आहे. जगभरातील हवामान संस्थांनी या अंदाजाबाबत एकमत व्यक्त केले आहे. त्यानुसार विषुववृत्तीय प्रशांत महासागरात समुद्राचे पाणी असामान्यपणे उष्ण झाल्याने एल निनो आणखी तीव्र होण्याची शक्यता बळावली आहे. या वर्षाच्या अखेरीस एल निनोचा सर्वोच्च प्रभाव दिसण्याबरोबरच २०२७ मध्येही त्याचे परिणाम जाणवणार आहेत..संयुक्त राष्ट्रांचे महासचिव अँटोनिओ गुटेरेस म्हणाले, की एल निनो आपल्या डोळ्यांसमोर अत्यंत मोठ्या स्वरूपात विकसित होत आहे. विज्ञानाच्या आधारावर याबाबत कोणतीही शंका नाही. पृथ्वी सध्या अशा परिस्थितीत प्रवेश करत आहे जी यापूर्वी कधी पाहिली गेलेली नाही. समुद्राच्या पृष्ठभागाचे तापमान वाढत आहे, एकूण तापमानही वाढत आहे आणि जग अत्यंत तीव्र हवामानाच्या धोक्याच्या क्षेत्रात पोहोचले आहे..El Nino Threat: ‘एल निनो’चा ‘शॉक’ आधीच बसण्याची शक्यता; अमेरिकेतील संशोधन संस्थेचा अहवाल.जागतिक हवामान संस्थेच्या महासचिव सेलेस्टे साऊलो म्हणाल्या, की या घटनेमुळे जगभरातील समुदाय व अर्थव्यवस्थांना मोठा धक्का बसण्याची शक्यता आहे. दुष्काळ आणि पुरामुळे होणारे नुकसान आपण आधीच पाहत आहोत. एल निनो आणखी तीव्र होत गेल्यास हे परिणाम वाढण्याची अपेक्षा आहे. नागरिकांचे जीव व उपजीविका वाचवविण्याच्या दृष्टीने हवामानविषयक अंदाज आणि इशारे देण्यासाठी जागतिक हवामान संस्था सज्ज आहे. .संस्थेच्या ५० वर्षांच्या इतिहासात प्रथमच राष्ट्रीय हवामान आणि जलविज्ञान संस्थांसोबत समन्वय ठेवण्याचे काम केले जात आहे. कृषी, आरोग्य, ऊर्जा व जलसंपदा यांसारख्या हवामानावर अवलंबून असलेल्या क्षेत्रांना तसेच आपत्ती व्यवस्थापनाला आवश्यक हवामानविषयक माहिती उपलब्ध करून देण्यासाठी जागतिक हवामान संस्था संयुक्त राष्ट्रे आणि मानवतावादी संस्थांसोबत काम करणार आहे..प्रशांत महासागरात असामान्य उष्णता‘एल निनो’चा केंद्रबिंदू असलेल्या मध्य आणि पूर्व विषुववृत्तीय प्रशांत महासागरातील समुद्राच्या पृष्ठभागाचे तापमान सरासरीपेक्षा खूपच जास्त आहे. हे एल निनोचे प्रमुख लक्षण मानले जाते. समुद्राच्या पृष्ठभागाचे तापमान मोजण्यासाठी वापरल्या जाणाऱ्या निनो ३.४ निर्देशांकामध्ये मोठी वाढ झाली आहे. मे ते जुलै या कालावधीत तापमान सरासरीपेक्षा १.५ अंश सेल्सिअसने जास्त होते. जुलैमध्ये ते २ अंशांपर्यंत पोहोचले. .El Nino Forecast: ‘एल निनो’ अधिक बळकट होण्याचे संकेत.ऑगस्टच्या मध्यापर्यंत साप्ताहिक तापमानातील तफावत आणखी वाढून २.२ ते २.६ अंश सेल्सिअस इतकी झाली आहे. यावरून एल निनोची तीव्रता सातत्याने वाढत असल्याचे दिसून येत आहे. समुद्राच्या पृष्ठभागाखाली पाणीदेखील असामान्यपणे उष्ण आहे. काही भागांमध्ये जुलै आणि ऑगस्टच्या सुरुवातीला समुद्राच्या पृष्ठभागाखालील पाण्याचे तापमान सरासरीपेक्षा ८°C पेक्षा जास्त होते..सप्टेंबर ते नोव्हेंबरमध्ये तापमान वाढ कायमसप्टेंबर ते नोव्हेंबर २०२६ या कालावधीत जगातील जवळपास सर्व भूभागांवर सरासरीपेक्षा जास्त तापमान राहण्याची शक्यता बहू-मॉडेल अंदाजात व्यक्त करण्यात आली आहे. त्याचवेळी प्रशांत महासागरातील तीव्र एल निनोमुळे जगभरातील पावसाच्या पद्धतींमध्ये ठरावीक बदल होण्याचे संकेत आहेत. इंडियन ओशन डायपोल (आयओडी) सकारात्मक होण्याची शक्यता आहे. विषुववृत्तीय अटलांटिक महासागरातील परिस्थितीही तुलनेने उष्ण राहण्याची, तसेच उत्तर आणि दक्षिण उष्णकटिबंधीय अटलांटिकमधील समुद्राच्या पृष्ठभागाचे तापमान सरासरीपेक्षा जास्त राहण्याचा अंदाज आहे..‘एल निनो’ स्थिती दृष्टिक्षेपातफेब्रुवारी २०२७ पर्यंत एल निनो कायम.विषुववृत्तीय प्रशांत महासागरात असामान्य उष्ण तापमान.जगभरातील पाऊस आणि तापमानाच्या पद्धतीत बदल होणार..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
