Weather Update: जूनच्या मध्यापासून सक्रिय झालेली ‘एल निनो’ हवामान प्रणाली आणखी तीव्र होत असून, येत्या काही महिन्यांत तिची तीव्रता वाढण्याची शक्यता आहे. ऑस्ट्रेलियाच्या हवामान विभागाच्या दक्षिण गोलार्धाबाबतच्या निरीक्षण अहवालानुसार, ही घटना १९५० नंतरच्या सर्वाधिक तीव्र एल निनोच्या घटनांपैकी एक ठरू शकते..या अहवालानुसार, मध्य उष्णकटिबंधीय पॅसिफिक महासागरातील तापमानात सातत्याने वाढ होत असून, त्यामुळे तीव्र ते अतितीव्र एल निनो विकसित होत आहे. बहुतांश हवामान मॉडेल्सनुसार, ही स्थिती दक्षिण गोलार्धातील वसंत ऋतूपर्यंत (नोव्हेंबर) आणखी बळकट होईल आणि अखेरच्या टप्प्यातील वसंत ऋतू किंवा उन्हाळ्यात (फेब्रुवारी) सर्वोच्च पातळीवर पोहोचेल. सध्याच्या परिस्थितीनुसार एल निनोचा प्रभाव २०२७ च्या शरद ऋतूपर्यंत कायम राहू शकतो..EL Nino Intensifies: ‘एल निनो’ची तीव्रता वाढणार; मॉन्सूनवरही परिणाम होण्याचा जागतिक हवामान संघटनेचा इशारा.हिंदी महासागरीय द्विध्रुवीय स्थिती२६ जुलैअखेर निनो ३.४ निर्देशांक +१.९४ अंश सेल्सिअस इतका नोंदविण्यात आला असून, तो एल निनोच्या सर्वसाधारण मर्यादेपेक्षा (+०.८० अंश) बराच जास्त आहे. गेल्या पंधरवड्यात त्यात सुमारे ०.५ अंशांची वाढ झाली आहे. दरम्यान, हिंदी महासागरीय द्विध्रुवीय स्थिती (आयओडी - इंडियन ओशन डायपोल) सध्या तटस्थ असली, तरी तिचा साप्ताहिक निर्देशांक +०.४४ अंश इतका झाला आहे. हा सकारात्मक ‘आयओडी’च्या मर्यादेपेक्षा किंचित अधिक असून, पुढील काळात सकारात्मक ‘आयओडी’ विकसित होण्याची शक्यता हवामान मॉडेल्सने व्यक्त केली आहे..El Nino 2026: ‘एल निनो’ नोव्हेंबरमध्ये सर्वोच्च पातळीवर पोहोचणार .जागतिक तापमानातही वाढपश्चिम उष्णकटिबंधीय पॅसिफिकमध्ये व्यापारी वारे कमकुवत झाले असून, दक्षिणी दोलन निर्देशांक (एसओआय- सदर्न ऑसिलिएशन इंडेक्स) -२८ इतका नोंदविला गेला आहे, जो तीव्र एल निनोचे लक्षण मानला जातो. .याशिवाय, जून २०२६ मध्ये जागतिक समुद्रपृष्ठ तापमान हे १९९१-२०२० च्या सरासरीपेक्षा ०.५१ अंश सेल्सिअस अधिक नोंदले गेले. १९०० नंतरचा हा सर्वाधिक उष्ण जून महिना ठरल्याचे अहवालात नमूद करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
