Jalgaon News: खानदेशात यंदा आगाप कलिंगड लागवड १५ ऑक्टोबरपासून सुरुवात झाली होती. अजूनही कलिंगडाची लागवड सुरूच असून, आगाप किंवा ऑक्टोबरमध्ये लागवडीच्या पिकाची हानी विषम वातावरण व ऑक्टोबरखेरीस व नंतर झालेल्या पावसाने झाली आहे. .आगाप कलिंगड पिकात वाढ कमी आहे. तसेच पीक फुलोऱ्यावरही फारसे येत नसल्याची स्थिती असून, फुलांची संख्या वाढविण्यासाठी शेतकरी विविध फवारण्या घेत आहेत. परागीभवनासाठी मधमाश्या पिकात याव्यात यासाठी पिकात गूळ ठेवणे, विविध फवारण्या घेणे अशी कार्यवाही सुरू आहे. .Watermelon Cultivation: कलिंगड लागवड रखडली.आगाप कलिंगड पिकात फळे कमी लागत असल्याने शेतकरी चिंतेत आहेत. आगाप कलिंगड पीक लागवडीच्या वेळेस ऑक्टोबरमध्ये ढगाळ वातावरण होते. थंडीही मध्यंतरी होती. नंतर पाऊस झाला. याचा फटका अनेक भागात पिकांना बसला आहे. हलक्या, मुरमाड क्षेत्रातील कलिंगड पिकाची अतिपावसात हानी झाली आहे. कलिंगड पिकास सुरुवातीला कमी पाणी लागते. परंतु अतिपावसाने समस्या तयार झाल्याचे शेतकऱ्यांचे म्हणणे आहे..Watermelon Cultivation : खडकाळ, मुरमाड जमिनीत बहरली रंगीत कलिंगडे.मागील हंगामातही नुकसानकलिंगडात मागील हंगामात अनेकांना मोठा तोटा आला होता. मागील वेळेस कलिंगडाची लागवडदेखील वाढली होती. यंदाही कलिंगड लागवडीत खानदेशात मोठी वाढ होताना दिसत आहे. जळगाव जिल्ह्यातील लागवड पाच हजार हेक्टरपेक्षा अधिक राहणार आहे. तर धुळे व नंदुरबारमध्येही मोठी कलिंगड लागवड होत आहे. लागवड अजूनही सुरूच आहे. डिसेंबरअखेरीस उन्हाळ हंगामासंबंधीची लागवड सुरू होणार आहे..शहादा, तळोदा भागांत लागवड अधिकजळगाव जिल्ह्यात जामनेरात सर्वाधिक कलिंगड पीक आहे. तसेच चोपडा, यावल, रावेर, जळगाव, पाचोरा, धुळ्यातील शिरपूर, धुळे, नंदुरबारमधील शहादा, तळोदा व नंदुरबार भागात कलिंगडाची मोठी लागवड होणार आहे. या महिन्यात कलिंगडाची मोठी लागवड झाली आहे. नोव्हेंबरमध्ये पाऊस झाल्याने कलिंगड लागवड काही भागात रखडली. ही लागवड या आठवड्यात झाली. अनेक शेतकरी हलक्या, मध्यम जमिनीत कलिंगडाची लागवड करीत आहेत. अधिक पाने व फुले लागणाऱ्या वाणांना पसंती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
