Maharashtra Farmers Facing Crop Survey Issues: यंदा ई-पीक पाहणीच्या संदर्भात शासनाच्या नियोजनाचा पुरता खेळखंडोबा झाला आहे. शासन आणि प्रशासनाच्या निर्णयातील धरसोड वृत्तीमुळे खिंडीत गाठावे तसे ऐन दुष्काळात शेतकरी संकटात सापडले आहेत. एकीकडे दुष्काळामुळे डोळ्यांदेखत पिके वाळून जात असताना दुसरीकडे प्रशासकीय अनास्थेमुळे ई-पीक पाहणीस विलंब होत असल्याने शेतकऱ्यांना मदत व विमा मिळण्यात अडचणी निर्माण होण्याची शक्यता आहे..ऐनवेळी शेतकरी वेठीस, अॅपद्वारे शेतकऱ्यांना पीक नोंदणी करण्याची सुविधा तलाठ्यांचा बहिष्कार आणि सहायकांना वेळेत ई-पीक पाहणी करण्यात येत असलेले अपयश, तसेच ओढवलेल्या दुष्काळी स्थितीच्या संकटामुळे इतके दिवस ताठर राहिलेले प्रशासन आता ऐनवेळी जागे होत ई-पीक पाहणीची जबाबदारी शेतकऱ्यांवरही टाकली आहे..केंद्र शासनाच्या डीसीएस-एमएच मोबाइल अॅपद्वारे शेतकरी स्तरावरून नोंदणी सुरू करण्याची सुविधा शुक्रवारपासून (ता. ११) उपलब्ध करून दिली आहे. शेतकरी आपल्या मोबाइलवरून अॅपमध्ये शेतकरी ओळख क्रमांक प्रविष्ट करून, त्या क्रमांकाशी संलग्न सर्व शेतजमिनींची पीक नोंदणी स्वतः करू शकणार आहेत..Rohit Pawar Demands Drought Declaration: शेतीसमोर संकट अधिक गडद? तत्काळ दुष्काळ जाहीर करा, रोहित पवारांची मुख्यमंत्र्यांकडे मागणी, १० मुद्दे केले उपस्थित.जिओ फेन्सिंगची अडचण आणि उपायअनेक गावांत शेतीचे जिओ फेन्सिंग झालेले नाही. अशा शेतकऱ्यांना ई-पीक पाहणी करताना नकाशाचे जिओ मॅपिंग होत नाही, ज्यामुळे नोंदणी अडकते. त्यामुळे नोंदणी करताना अडचणी येत आहेत. अशा गटांची माहिती तलाठ्यांमार्फत तहसीलदारांना दिली जाते. तहसीलदार भूमी अभिलेख कार्यालयाशी पत्रव्यवहार करतात. भूमी अभिलेख कार्यालयाकडून जिओ फेन्सिंग पूर्ण झाल्यानंतर ई-पीक पाहणी पूर्ण करून घेतली जाते, अशी माहिती धाराशिव जिल्हा तलाठी संघटनेचे माजी अध्यक्ष आणि ग्राम महसूल अधिकारी विशाल खळदकर यांनी दिली..प्रशासकीय कारभार आणि शेतकऱ्यांची कोंडीशासनाने सुरुवातीला सर्व ई-पीक पाहणी केवळ तलाठी कार्यालय स्तरावर मानधनावर नेमलेल्या सहायकांकडून करण्याचा निर्णय घेतला. त्यात तलाठ्यांना विश्वासात घेतले नाही आणि अंमलबजावणी सुरू झाल्यामुळे शेतकरी बिनधास्त झाले.तलाठ्यांचा विरोध व बहिष्कार : मात्र ऐनवेळी तलाठ्यांनी या पद्धतीला विरोध करत ई-पीक पाहणीच्या मंजुरीच्या कामावर पूर्णतः बहिष्कार टाकला. यामुळे सहायकांनी केलेल्या ई-पीक पाहणीची मंजुरी रखडली..Drought Relief Demands: खरीप पिके हातातून गेली; पंचनामे करून तत्काळ मदत द्या : आमदार धनंजय मुंडे.मिळणारे अत्यल्प मानधन आणि रानोमाळ फिरावे लागत असल्याने सहायकदेखील संथ गतीने ई-पीक पाहणी करीत असल्याने हंगाम अखेरीस आला तरी अद्याप ई-पीक पाहणीचे काम पूर्ण झालेले नाही.याच काळात पावसाचा दीर्घ खंड पडल्याने पिके वाळून गेली. त्यामुळे अनेक ठिकाणी शेतकऱ्यांनी वाळलेली पिके जनावरांना चारली, तर काहींनी शेतात रोटाव्हेटर फिरवला.आता प्रत्यक्ष जागेवर पीकच शिल्लक न राहिल्याने ई-पीक पाहणी कशी होणार? आणि पुरावाच उरला नाही तर दुष्काळी मदत व पीकविमा तरी कसा मिळणार? असा बिकट प्रश्न शेतकऱ्यांसमोर उभा राहिला आहे..पीक काढल्यानंतर प्रयोग घेण्यात अडचण येऊ नये म्हणून अगोदरच पीक कापणी प्रयोग घेण्याचे आदेश जिल्हाधिकाऱ्यांना दिलेले आहेत. ई-पीक पाहणीच्या संदर्भात काही अडचणी येत असल्या तरी आता शेतकऱ्यांना स्वतः ई-पीक पाहणी करण्याची सुविधा उपलब्ध करून दिलेली आहे.दत्ता भरणे, कृषिमंत्री.ई-पीक पाहणीच्या मंजुरीसंदर्भात तलाठी संघटनांनी सकारात्मक प्रतिसाद दिलेला आहे. त्यांच्या मागण्यांसंदर्भात केंद्राकडे पत्रव्यवहार केलेला आहे. राज्यात जवळपास १ कोटी प्लाॅटची ई- पीक पाहणी झालेली आहे. आता केवळ त्याला तलाठ्यांकडून मंजुरी मिळणे बाकी आहे. प्रामुख्याने उडीद-मूग पिकांची नोंदणी करून घेण्यास सांगितलेले आहे. सोयाबीन पिकांची पाहणी देखील पूर्ण होईल.शैलेश नवाल, जमाबंदी आयुक्त.जमाबंदी आयुक्तांसोबत झालेल्या राज्यस्तरीय बैठकीत तलाठ्यांच्या प्रमुख मागण्या मान्य झाल्या आहेत. शेतकरी स्तरावरूनच ई-पीक पाहणी करावी आणि रँडमली १० टक्के अर्जांना मंजुरी देण्याचे काम तलाठ्यांकडे असावे, या मागण्या मान्य झाल्याने आता सहायकांनी केलेल्या पाहणीला मंजुरी देण्याचे काम सुरू होईल. जे शेतकरी स्वतः करू शकणार नाहीत, त्यांची पीक नोंदणी सहायकांमार्फत सुरूच राहील. ज्या शेतकऱ्यांनी उडीद, मूग किंवा सोयाबीनचे पीक आधीच काढले आहे, त्यांच्या क्षेत्राची प्रत्यक्ष स्थळ पाहणी व पडताळणी करून ई-पीक पाहणी नोंदवून घेतली जाईल.विशाल खळदकर, माजी जिल्हाध्यक्ष, तलाठी संघटना, धाराशिव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
