Pune News: लाडकी बहीण योजनेतील लाभार्थी महिलांना नियमित लाभ मिळावा तसेच, योजनेत पारदर्शकता असावी, यासाठी मंगळवारी (ता. २८) मंत्रालयात बैठक झाल्याची माहिती महिला व बालविकास मंत्री आदिती तटकरे यांनी दिली. या बैठकीत, राज्य सरकारने मुख्यमंत्री माझी लाडकी बहीण योजनेसाठी ई-केवायसी अनिवार्य केली असून, यासाठी महिला व बालविकास विभागाने विशेष पोर्टल तयार केले आहे. तसेच, ई-केवायसी करण्याची शेवटची तारीख १८ नोव्हेंबर २०२५ ठरली असल्याचे मंत्री तटकरे यांनी त्यांच्या अधिकृत एक्स पोस्टद्वारे सांगितले..मुख्यमंत्री माझी लाडकी बहीण ही राज्याच्या अर्थसंकल्पातील सर्वात मोठ्या योजनांपैकी एक आहे. पहिल्या वर्षात या योजनेवर ४३ हजार कोटी रुपयांपेक्षा अधिक खर्च झाला असून, पात्र महिलांना दरमहा १ हजार ५०० रुपये दिले जातात. मात्र, या निधीमुळे राज्यावर मोठा आर्थिक ताण आला आहे. तसेच, इतर विभागांच्या योजनांच्या निधीला कात्री लागत असल्याने अपात्र लाभार्थ्यांना रोखण्यासाठी ही ई-केवायसी प्रक्रिया अनिवार्य करण्यात आली आहे..Ladki Bahin Yojana: अनेक लाडक्या बहिणी लाभापासून वंचित.मंत्री आदिती तटकरेंनी सांगितले की, १८ सप्टेंबर २०२५ पासून https://ladakibahin.maharashtra.gov.in या संकेतस्थळावर ई-केवायसी सुविधा उपलब्ध करून देण्यात आली आहे. यासाठी दोन महिन्यांचा कालावधी देण्यात आला असून, आतापर्यंत अनेक लाभार्थी महिलांनी ही प्रक्रिया पूर्ण केली आहे. परंतु, ज्यांनी अजून ई-केवायसी केलेली नाही, अशा महिलांनी १८ नोव्हेंबरपूर्वी प्रक्रिया पूर्ण करावी, असे आवाहन मंत्री आदिती तटकरे यांनी लाभार्थी महिलांना केले आहे..तसेच, ई-केवायसी करताना काही महिलांना ओटीपी संदर्भात तांत्रिक अडचणी येत होत्या. या अडचणी दूर करण्यासाठी विभागाकडून सुधारणा केल्या जात आहेत. आता प्रक्रिया अधिक सोपी करण्यात आली असून, या योजनेत पारदर्शकता राखण्यासाठी आणि नियमित लाभ देण्यासाठी ही पायरी महत्त्वाची ठरणार असल्याचेही मंत्री तटकरे यांनी सांगितले..Ladki Bahin Yojana E-KYC : पूरग्रस्त महिलांसाठी दिलासा! ‘लाडकी बहीण’ योजनेची ई-केवायसी मुदत १५ दिवसांनी वाढवली.काय आहेत पात्रतेच्या अटीलाभार्थी महिला महाराष्ट्राची रहिवासी असावी.वय २१ ते ६५ वर्षांच्या दरम्यान असावे.एका कुटुंबातील केवळ दोन महिलांना या योजनेचा लाभ मिळेल.आधार कार्ड आणि बँक खाते लिंक असणे आवश्यक आहे.कुटुंबाचे वार्षिक उत्पन्न २ लाख ५० हजारांपेक्षा कमी असावे..अशी करा ई-केवायसी प्रक्रियाhttps://ladakibahin.maharashtra.gov.in या वेबसाइटला भेट द्या.मुख्य पृष्ठावरील ई-केवायसी बॅनरवर क्लिक करा.आपला आधार क्रमांक आणि पडताळणी संकेतांक Captcha Code भरा.आधार पडताळणीसाठी संमती देऊन Send OTP वर क्लिक करा.मोबाईलवर आलेला ओटीपी टाकून Submit वर क्लिक करा.पुढील पृष्ठावर जात प्रवर्ग निवडा.आवश्यक घोषणांवर टिकमार्क करून Submit बटणावर क्लिक करा.प्रक्रिया पूर्ण झाल्यावर ई-केवायसी पूर्ण झाली आहे असा संदेश दिसेल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
