Ahmedpur News: सोयाबीन नोंदणीसाठी सातबाऱ्यावर पीकपेरा येणे आवश्यक आहे. त्यासाठी ई-पीक पाहणी करणे गरजेची असतानाही या-ना त्या कारणाने तालुक्यातील ३० टक्के शेतकऱ्यांची ई-पीक पाहणी रखडलेली आहे. त्यामुळे हजारो शेतकरी हमीभावापासून वंचित राहणार असल्याचे चित्र आहे..तालुक्यातील ३० टक्के शेतकऱ्यांची ई-पीक पाहणी विविध कारणांनी रखडली असून, त्यात मोबाइलला रेंज न येणे, ॲप बरोबर न चालणे नोंदणी होऊनही पीक पेऱ्यावर नोंद न येणे अशा अडचणी येत आहेत. शेतकरी आयडीतून नोंदणी मुदत संपली असून, ३० नोव्हेंबरपर्यंत कृषी पर्यवेक्षक हे ई-पीक नोंदणी करू शकतात. मात्र, कृषी पर्यवेक्षकांनीही यास नकार दिल्यामुळे हजारो शेतकरी हमीभावापासून वंचित राहणार असल्याचे सद्यःस्थितीत दिसत आहे. .E-Crop Survey: ई-पीक नोंदणीसाठी १५ डिसेंबरपर्यंत मुदत द्या.याबाबत महसूल विभागाकडे वारंवार तक्रारी करूनही सिस्टीमचा दोष असल्याचे सांगून टाळाटाळ करण्यात येत आहे. अनेक ठिकाणी ई-पीक पाहणी झाली असली तरी त्याची नोंद सातबारावर येत नसल्याचे प्रकार घडत आहेत. त्यामुळे सोयाबीन नोंदणीसाठी आवश्यक असणारा पीकपेरा डिजिटल सातबाऱ्यावर येत नाही. अर्थातच या शेतकऱ्यांना आपल्या सोयाबीनची नोंदणी करता येणार नाही..त्यामुळे हजारो शेतकरी हमीभावापासून वंचित राहणार असल्याचे चित्र आहे. दरम्यान, मागील दोन वर्षांपासून कृषी सहाय्ययक शेतावरती जाऊन ई-पीक पाहणी करत आहेत. मात्र, शासनाने अद्यापपर्यंत त्यांचे मानधन दिले नसल्यामुळे यावर्षी कृषी सहायकांनी बहिष्कार टाकल्याने शेतकऱ्यांच्या अडचणीत वाढ झाली आहे. दरम्यान, यंदा बाजारात सोयाबीनला कमी भाव मिळत आहे. .E Crop Survey: ई-पीक पाहणीला महिनाभर मुदतवाढ.त्यामुळे शेतकरी हमीभाव खरेदी केंद्रावर सोयाबीन विक्री करण्यासाठी नोंदणीस प्राधान्य देत आहेत. मात्र, ई-पीक पाहणीअभावी नोंदणी होत नसल्याने शेतकऱ्यांमध्ये नाराजीचा सूर आहे. याकडे महसूल प्रशासनाने लक्ष देण्याची मागणी होत आहे..ई-पीक पाहणीसाठी शेतात गेल्यानंतरही सक्सेसफुल असा मेसेज आल्यानंतरही ४८ तासांत सातबारावर पीक पेऱ्याची नोंद येत नाही. त्यामुळे ॲपवरच अडचण असल्याचे शेतकऱ्यांनी सांगितले. दरम्यान, तालुक्यात आठ सोयाबीन खरेदी केंद्र चालू झाले असून, शेतकऱ्यांची सुविधा झाली आहे. मात्र पीक पाहणी व पीक पेऱ्यामुळे अनेक शेतकऱ्यांना नोंदणी करता येत नाही. त्यासाठी हे अधिकार तलाठ्यांना द्यावेत.- मंचरराव पाटील, सभापती, बाजार समिती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
