Mumbai News : यंदाच्या दिवाळीत सर्वसामान्यांची लालपरी सुसाट धावली आहे. महिला सन्मान, ज्येष्ठ नागरिक आणि अमृत योजनेमुळे एसटीला चांगला प्रतिसाद मिळत असून प्रवासी संख्या पाच लाखांनी वाढल्याने नियमित उत्पन्नाच्या तुलनेत दररोज ३ कोटींची वाढ झाली आहे.
दिवाळी सुटीनिमित्त अनेक जण घरी किंवा आजोळी जात असतात. प्रवाशांची संख्या वाढणे हे गृहीत धरून एसटी महामंडळाने काही दिवस अगोदरच नियोजन केले आहे. दरवर्षी दिवाळी सुट्यांनिमित्त अनेकांनी गावी जाण्याचा बेत आखला आहे.
त्यामुळे दिवाळी सणापूर्वी तसेस त्यानंतर मोठ्या संख्येने प्रवाशांनी एसटीला पंसती दिली आहे. तर दुसरीकडे सणासुदीच्या काळात खासगी वाहतूकदार भाडेवाढ करून प्रवाशांना वेठीस धरतात. मात्र, यंदा एसटीच्या विविध योजनांमुळे खासगी वाहतूकदारांना अल्प प्रतिसाद मिळाल्याचे चित्र आहे.
तिकीट दरात सवलत दिल्‍याने महिलावर्गाकडून एसटी प्रवासाला पसंती दिली जात आहे. त्‍याचबरोबरच ज्‍येष्‍ठांसाठी, विद्यार्थ्यांनाही सवलती देण्यात आल्‍याने प्रवाशांच्या संख्येत वाढ झाली आहे.
हंगामी भाडेवाढ रद्द झाल्याने फटका
एसटी महामंडळाने दरवर्षी दिवाळीत हंगामी भाडेवाढ करण्यात येते. गेल्यावर्षी देखील करण्यात आली होती. मात्र, यंदा विधानसभा निवडणुकीच्या पार्श्वभूमीवर हंगामी भाडेवाढ रद्द करण्यात आली आहे. त्यामुळे एसटी महामंडळाचा शंभर कोटींचा महसूल बुडणार आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.