Micro Irrigation Scheme Maharashtra: पंतप्रधान राष्ट्रीय कृषी विकास योजनेअंतर्गत सन २०२६-२७ या आर्थिक वर्षामध्ये प्रति थेंब अधिक पीक (सूक्ष्म सिंचन) घटकासाठी दुसऱ्या टप्प्यातील २०६ कोटी ५० लाख रुपये निधी वितरित करण्यास शासनाने मंजुरी दिली आहे. हा निधी सर्वसाधारण,अनुसूचित जाती, अनुसूचित जमाती प्रवर्गासाठी आहे. त्यात केंद्र आणि राज्य हिश्श्याच्या निधीचे प्रमाण ६०:४० असे आहे. याबाबतचा शासन निर्णय कृषी, पशुसंवर्धन विभागाने जारी केला आहे..सन २०१५-१६ पासून प्रति थेंब अधिक पीक घटकाची अंमलबजावणी राज्यात करण्यात येत आहे. आहे. केंद्र सरकारच्या २० नोव्हेंबर २०२४ रोजीच्या पत्रान्वये राष्ट्रीय कृषी विकास योजनेचे नाव पंतप्रधान राष्ट्रीय कृषी विकास योजना असे करण्यात आले आहे. सूक्ष्म सिंचन योजनेच्या ४७७ कोटी रुपये खर्चाच्या कार्यक्रमास याआधी प्रशासकीय मंजुरी देण्यात आलेली आहे. याआधी पहिल्या टप्प्यात २०८ कोटी इतका निधी वितरित करण्यात आला होता..Per Drop More Crop Scheme: शेतकरी अडचणीत; 'प्रति थेंब अधिक पीक' योजनेच्या अनुदानाचे काय झाले? .आता केंद्र सरकारने दुसऱ्या टप्प्यातील निधी वितरित करण्यास मंजुरी दिली आहे. त्यानुसार २०६ कोटी इतका निधी कृषी आयुक्तांना उपलब्ध करुन दिला जात आहे. या योजनेच्या लाभार्थ्यांची निवड महाडीबीटी प्रणालीद्वारे करण्यात येते. तसेच लाभार्थ्यांना अनुदान आधार संलग्न बँक खात्यावर जमा केले जाते. .E-Drip Portal Issue: ठिबक वितरकांचे प्रस्ताव रद्द न करण्याच्या सूचना; ई-ठिबक पोर्टलवरील तांत्रिक दोषांमुळे अनुदान प्रक्रियेला विलंब.शेतकऱ्यांना ठिबक सिंचन संच खर्चाच्या ४५ ते ५५ टक्के अनुदानया योजनेंतर्गत शेतकऱ्यांना ठिबक सिंचन संचासाठी येणाऱ्या खर्चाच्या ४५ ते ५५ टक्के इतके अनुदान दिले जाते. ठिबक सिंचनाद्वारे जास्तीत जास्त शेती क्षेत्रात पाणी उपलब्ध करुन देण्याच्या उद्देशानेच प्रति थेंब अधिक पीक योजना राबवण्यात येत आहे. सूक्ष्म सिंचनखालील क्षेत्र वाढविणे. अचूक पाणी व्यवस्थापनाच्या माध्यमातून शेतकऱ्यांचे उत्पन्न वाढवणे. पीक व्याप्ती वाढविणे. तसेच सूक्ष्म सिंचन पद्धतीचा अवलंब करण्याचा या योजनेचा उद्देश आहे. .सूक्ष्म सिंचनाच्या माध्यमातून पाणी थेट पिकास दिले जाते. यामुळे पाण्याची ३० ते ८० टक्के बचत होऊ शकते. तसेच जमिनीत वाफसा कायम राहून पिकांची जोमदार आणि सतत वाढ होण्यास मदत होते. .जमीन आरोग्य, सुपिकता कार्यक्रमासाठी ५ कोटी निधीतसेच २०२६-२७ वर्षात राष्ट्रीय कृषी विकास योजनेंतर्गत जमीन आरोग्य व सुपिकता कार्यक्रम राबविण्यासाठी दुसऱ्या हप्त्याचा ५ कोटी १६ लाख निधी वितरित करण्यासही शासनाने मंजुरी दिली आहे. तसेच राष्ट्रीय कृषी विकास योजनेंतर्गत सविस्तर प्रकल्प अहवाल योजनेकरिता ११४ कोटी निधी वितरित केला जात आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
