Satara News: पुढील काही दिवसांत रब्बी हंगाम सुरू होणार आहे. या हंगामात खतांचा तुटवडा भासू नये, शेतकऱ्यांना शेती कामकाजात अडथळा येऊ नये, यासाठी जिल्हा परिषदेने तब्बल एक लाख सहा हजार टन खतांचा साठा मंजूर केला आहे..रब्बी हंगामातील हरभरा, गहू, ज्वारी, करडई, बटाटा, मोहरी, जवळ, तीळ यासह इतर पिकांसाठी मोठ्या प्रमाणावर रासायनिक व सेंद्रिय खतांची मागणी वाढते. यंदाच्या सततच्या पावसाने रब्बीतील पेरणी जास्त होण्याची शक्यता आहे..Fertilizer Stock Mismatch : खत विक्री, प्रत्यक्ष साठ्यात तफावत असल्यास कारवाई.मागील काही वर्षांपासून खतांचा तुटवडा निर्माण होऊन शेतकऱ्यांना त्रास सहन करावा लागत होता. यंदा मात्र, जिल्हा परिषदेने आगाऊ नियोजन करून शेतकऱ्यांपर्यंत योग्यवेळी खतांचा पुरवठा व्हावा, यासाठी काटेकोर व्यवस्था केली..या साठ्यात युरिया, डीएपी, एनपीके, सुपर फॉस्फेट, पोटॅश, संयुक्त खतांचा समावेश आहे. खत वितरण केंद्रांना वेळेत साठा पोहोचावा, यासाठी कृषी विभाग, जिल्हा परिषद आणि सहकारी संस्थांमध्ये समन्वय साधण्यात येत आहे. योग्य नियोजन, पुरेसा साठा आणि प्रशासनाचा प्रतिसाद यामुळे रब्बी हंगाम ‘खताविना अडचण नाही’ असा ठरण्याची आशा व्यक्त होत आहे..Fertilizer Stock : युरिया, डीएपी खतांचा साठा शेतकऱ्यांसाठी खुला.असा आहे साठारब्बी हंगामासाठी एक लाख सहा हजार २५० मेट्रिक टन खतसाठा मंजूर केला आहे. यामध्ये सद्यःस्थितीत गेल्या हंगामातील खते व रब्बीतील खते असे मिळून ४९ हजार २०८ मेट्रिक टन खत उपलब्ध झाले आहे. पाच हजार ९९१ मेट्रिक टन चालू हंगामातील खते प्राप्त झाल्याची माहिती कृषी विभागाने दिली आहे..पुढील काही दिवसांत सुरू होणाऱ्या रब्बी हंगामात खतांचा तुटवडा पडू नये, यासाठी एक लाख सहा हजार २५० मेट्रिक टन खतसाठा मंजूर झाला आहे. त्यामुळे रब्बीत शेतकऱ्यांची गैरसोय होणार नाही, याची खबरदारी घेतली जात आहे. शेतकऱ्यांना अधिक दराने खत विक्री होऊ नये, यासाठी तपासणी पथकही तयार करण्यात आले आहे.- गजानन ननावरे,कृषी विकास अधिकारी, जिल्हा परिषद.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
