Nandurbar News : खरीप हंगाम २०२५ अंतर्गत शेतकरी आपल्या शेतातील ई-पीक पाहणी नोंदविण्यासाठी मोबाईल ॲपचा वापर करत आहेत. शासनाच्या मार्गदर्शक सूचनांनुसार डीसीएस मोबाइल ॲपद्वारे थेट शेतातून पिकांची पाहणी व नोंदणी करण्याची प्रक्रिया सुरू झाली असली, तरी ॲपचा सर्व्हर वारंवार डाउन होत असल्याने शेतकऱ्यांना मोठ्या अडचणींना सामोरे जावे लागत आहे.\.आधीच पाऊस अपुरा असल्याने खरीप हंगामातील उत्पादनाबाबत शाश्वती नाही. त्यातच ॲपमधील तांत्रिक अडचणींमुळे शेतकरी अधिकच चिंतेत आहेत. तासनतास शेताच्या चारही बांधांवर फिरूनही माहिती अपलोड होत नसल्याने वेळ, श्रम व मोबाईल डेटा वाया जात आहे. बामखेडा परिसरातील शेतकऱ्यांनी सांगितले की, ई-पीक पाहणीसाठी माहिती भरताना सर्व्हरशी संपर्क होत आहे, कृपया वाट पाहा असा संदेश सतत दिसतो. .E-Peek Pahani : ‘ई-पीकपाहणी’चा खोळंबा.परिणामी माहिती वेळेत सबमिट होत नाही.शासनाने कृषी क्षेत्रात पारदर्शकता व अचूक नोंदी ठेवण्यासाठी ‘ई-पीक पाहणी’ योजना सुरू केली आहे. ग्रामपातळीवर शेतकऱ्यांना स्वतः मोबाईल ॲपद्वारे पिकांची माहिती भरायची सुविधा उपलब्ध आहे. मात्र, ॲपमध्ये वारंवार लॉगिन समस्या, लोकेशन अचूक न दिसणे, सर्व्हर डाऊन होणे यामुळे शेतकरी हवालदिल झाले आहेत. .E-Peek Pahani : कापूस, सोयाबीनची ई-पीक पाहणी गरजेची.काही शेतकऱ्यांकडे स्मार्टफोन नसणे किंवा ॲप वापरण्याचे तांत्रिक ज्ञान नसल्याने ते ऑनलाईन नोंदणीत मागे पडत आहेत. त्यातच स्थानिक कृषी सहाय्यकांकडून अपेक्षित मार्गदर्शन मिळत नसल्याची शेतकऱ्यांची तक्रार आहे..ई-पीक पाहणी करणे शेतकऱ्यांसाठी बंधनकारक असून, त्यावर विविध शासकीय योजना, अनुदान, विमा व मदत योजनांचा लाभ अवलंबून आहे. डिजिटल पद्धतीमुळे पिके, क्षेत्र व उत्पादनाची माहिती थेट शासनाकडे पोहोचते. मात्र तांत्रिक अडचणी कायम राहिल्यास शेतकऱ्यांना योजनांच्या लाभापासून वंचित राहण्याची भीती व्यक्त केली जात आहे..आधीच अत्यल्प पाऊस असल्याने खरीप हंगाम वाया जाण्यात जमा आहे. त्यातच ई पिक पाहणी पिक नोंदणी करण्यात अडचण येत आहे. शासनाने त्वरित मार्ग काढून पीक पाहणी नोंदवण्यात यावी अन्यथा सवलत देण्यात यावी.- राकेश पाटील, शेतकरी, बामखेडा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
