El Nino Impact: प्रशांत महासागरातील ‘एल निनो’ प्रवाहाच्या सक्रियतेमुळे यंदा जिल्ह्यात मॉन्सूनचे आगमन संथ गतीने झाले आहे. गेल्या वर्षाच्या तुलनेत यंदा जून २०२६ अखेरपर्यंत जिल्ह्यात सरासरीच्या तुलनेत तब्बल ६० टक्क्यांहून अधिक पावसाची तूट नोंदवली गेली असून, याचा थेट फटका खरीप हंगामातील पेरण्यांना बसला आहे. .गेल्या वर्षी जूनअखेर एकूण क्षेत्राच्या ६८ टक्के पेरण्या पूर्ण झाल्या असताना यंदा मात्र आतापर्यंत केवळ ४० टक्के क्षेत्रात पेरण्या झाल्या आहेत. जुलैच्या सुरुवातीला मात्र पावसाने दमदार पुनरागमन केल्याने शेतकऱ्यांच्या आशा पल्लवित झाल्या असून, समाधानकारक पावसाची अद्यापही प्रतीक्षा आहे..Maharashtra Rainfall Deficit: लांबलेल्या मॉन्सूनमुळे राज्यावर दुष्काळाचे सावट: मुख्यमंत्री.जून २०२६ अखेर धुळे जिल्ह्यात केवळ ४९.५ मिलीमीटर पावसाची नोंद झाली आहे. हे प्रमाण जिल्ह्याच्या एकूण सरासरीच्या अवघे ४०.७ टक्के आहे. गेल्या वर्षी जून २०२५ मध्ये परिस्थिती तुलनेत काहीशी अनुकूल होती. गेल्या वर्षी जूनअखेर जिल्ह्यात सरासरीच्या १०७.६ टक्के (१३०.७ मिमी) पाऊस झाला होता. यंदा मात्र पावसाने ओढ दिल्यामुळे चिंतेचे वातावरण निर्माण झाले आहे..Rain Deficit: जूनमध्ये पावसाची तूट कायम.पेरणी क्षेत्रात घटजिल्हा कृषी अधीक्षक कार्यालयाकडून मिळालेल्या माहितीनुसार, धुळे जिल्ह्यात यंदा खरीप हंगामाचे एकूण सरासरी क्षेत्र तीन लाख ७८ हजार ४३२ हेक्टर इतके निर्धारित करण्यात आले आहे. मात्र एक जुलैपर्यंत प्रत्यक्षात केवळ एक लाख ५२ हजार १९० हेक्टरवर म्हणजेच ४० टक्के क्षेत्रात पेरणी पूर्ण होऊ शकली आहे. गेल्या वर्षी याच कालावधीत जिल्ह्यात ६८ टक्के म्हणजे दोन लाख ५८ हजार ५६० हेक्टरवर पेरण्या आटोपल्या होत्या. गेल्या वर्षीच्या तुलनेत यंदा पेरणी क्षेत्रात २८ टक्क्यांची घट झाली आहे. पाऊस लांबल्यामुळे कृषी विभागाने शेतकऱ्यांना घाईघाईने पेरण्या न करण्याचा सल्ला दिला आहे..पावसाची तूटतालुका पातळीवर साक्री तालुक्याला एल निनोचा सर्वाधिक फटका बसला आहे. साक्री तालुक्यात केवळ १९.८ मिमी पाऊस पडला. धुळे तालुक्याची सरासरी १२४.२ मिमी असताना प्रत्यक्ष ३९.६ मिमी पाऊस झाला. शिरपूर तालुक्यात जूनअखेर ६८.९ मिमी पाऊस नोंदवला गेला. शिंदखेडा तालुक्यात जिल्ह्यात सर्वाधिक म्हणजे ७७.३ मिमी पाऊस झाला आहे. गेल्या वर्षीच्या तुलनेत यंदा सर्वच तालुक्यांत पावसाची मोठी तूट आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
