Weather Update: गेल्या आठवड्याभरापासून जिल्ह्याच्या विविध भागांत बरसत असलेल्या हलक्या ते मध्यम स्वरूपाच्या आषाढ सरींमुळे समाजमन सुखावले असून, शेतकऱ्यांच्या चेहऱ्यावर आनंद तरळला आहे. जुलैच्या सुरुवातीला पावसाने दडी मारल्याने अंकुरलेली पिके धोक्यात आली होती. मात्र, १९ जुलैपासून पावसाने पुन्हा हजेरी लावल्यामुळे सुकणाऱ्या पिकांना संजीवनी मिळाली आहे. पुढील काही दिवस पावसाचा हा जोर कायम राहण्याचा अंदाज हवामान खात्याने वर्तविला असून, रिमझिम पावसात रखडलेल्या पेरण्यांना आता वेग आला आहे..यंदा मॉन्सून विलंबाने आल्यामुळे खरीप हंगामातील पेरण्या उशिराने सुरू झाल्या. जुलैच्या प्रारंभी झालेल्या पावसाच्या जोरावर जिल्ह्यातील सरासरी पेरणी क्षेत्रापैकी ९० टक्के क्षेत्रावरील पेरण्या आटोपल्या आहेत ज्यातील १० टक्के पेरण्या गेल्या या आठवड्यातच झाल्या आहेत. १० जुलैपासून पावसाने ओढ दिल्याने यंदाचा खरीप हातचा जाण्याची धास्ती निर्माण झाली होती. ‘एल् निनो’च्या प्रभावामुळे यंदा पावसाची सरासरी कमी राहून उत्पादन घटण्याचा अंदाज शेती तज्ज्ञांनी वर्तवला होता. त्यामुळे शेतकऱ्यांच्या चिंतेत वाढ झाली होती. मात्र, १९ जुलैनंतर पावसाने सलग धार धारण केल्याने वातावरणात गारवा निर्माण होऊन पिकांना जीवदान मिळाले आहे..Sangli Rain Update: सांगली जिल्ह्यात अधूनमधून हलका पाऊस.Dhule Rain Update: सरासरी १३ दिवस पाऊसजिल्ह्यात २७ जुलैपर्यंत १३ पावसाचे दिवस नोंदवले गेले असून, नेहमीच्या १७०.९ मिमी सामान्य पावसाच्या तुलनेत १७५.१ मिमी म्हणजेच १०२.५ टक्के पावसाची नोंद झाली आहे. २४ आणि २५ जुलैला जिल्ह्यात सर्वत्र मुसळधार पाऊस झाला ज्यामध्ये २४ जुलैला साक्री तालुक्यात सर्वाधिक ४३.४ मिमी पाऊस पडला. धुळे तालुक्यात १७ दिवसांत १६४.४ मिलीमीटर पाऊस झाला असून, यात मंडळनिहाय धुळे शहर १४७.१ मिलीमीटर, .Konkan Rain Update: कोकणात मुसळधार, घाटमाथ्यावर पाऊस.शिरुड १७२.३, बोरकुंड १६५.२, आर्वी २६३.३, सोनगीर १९९, नगाव १२८.९, फागणे २०२.१, मुकटी १६९.१, धुळे खेडे १३५, कुसुंबा १३६.३, नेर १५३ आणि लामकानी येथे ९९.९ पाऊस झाला आहे. साक्री तालुक्यात १३ दिवसात २२१.४ मिलीमीटर पाऊस नोंदवला गेला असून, यात साक्री २२३.६ , कासारे २०४.५, म्हसदी १२७.२, दुसाणे १२०.८, निजामपूर १८६, ब्राह्मणवेल १७६.२, पिंपळनेर २६७.९, कुडाशी ३८२.८, उमरपाट्टा ३५५.६ आणि दहीवेल येथे १६६.९ पाऊस पडल आहे..शिरपूर तालुक्यात १२ दिवसांत २०६.१ मिलीमीटर झाला असून, त्यात शिरपूर १८८.८, बोराडी ३१३.८, अर्थे २५९.४, जवखेडे १५८.१, होळनांथे २१५.३, थाळनेर १६८ आणि सांगवी येथे १३९ पाऊस नोंदवला गेला. शिंदखेडा तालुक्यात १२ दिवसांत १२०.४ पडला असून, शिंदखेडा १५४.६, चिमठाणे ११४.६, शेवाडे १००.६, खलाणे ९९.९, नरडाणे १३८.५, बेटावद १३४.८, वर्षी १७३.६, दोंडाईचा ७२.०, विखरण ९४.३ आणि विरदेल येथे ११९.३ मिलीमीटर पावसाची नोंद झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
