Summer Crop Protection: खानदेशात केळीची लागवड सुरू आहे. यातच काही केळी बागा एक ते दीड महिन्याच्या आहेत. या बागांचे ऊन, उष्णतेपासून संरक्षणासाठी केळी बागांत धैंचा, तागाची लागवड सुरू आहे. .यामुळे धैंचाची मागणी वाढली आहे. केळी पट्टा म्हणजेच रावेर, यावल, जामनेर, चोपडा, जळगाव, धुळ्यातील शिरपूर, नंदुरबारातील शहादा, तळोदा, नंदुरबार या भागात धैंचास मागणी आहे. खानदेशात फेब्रुवारीतही अनेकांनी केळी बागांची लागवड केली आहे..Farm Pre-Cultivation: शेतांची पूर्वमशागत सुरू.या बागांत केळी रोपांच्या उष्णतेपासून संरक्षणासाठी नैसर्गिक उपाय म्हणून केळी रोपाच्या दक्षिण व पश्चिम बाजूस धैंचाची लागवड किंवा टोकण केली जात आहे. तसेच केळीची लागवड सुरू आहे. पण आता केळी लागवडीपूर्वी नियोजीत क्षेत्रात ठिबक किंवा सिंचनाची व्यवस्था करून त्यात प्रथम धैंचाची लागवड केली जात आहे..Jute Cultivation: कमी श्रमात अधिक उत्पन्नाचा पर्याय.अनेक शेतकरी केळी बागांभोवती धैंचाची लागवड करून घेतात. यामुळे उष्ण वारे बागेत शिरत नाहीत. बागेच्या उष्णतेपासून संरक्षणासाठी नैसर्गिक वारा अवरोधक म्हणून धैंचाचा उपयोग होतो. तसेच पावसाळा सुरू झाल्यानंतर धैंचा कापून तो केळी कंद, रोपांनजीकच ठेवला जातो. यामुळे हिरवळीचे खतही बागेस उपलब्ध होते..धैंचा बियाणेही महागधैंचाची मागणी वाढताच विक्रेत्यांनी त्याचे दर वाढविले आहेत. मागील हंगामात धैंचाची प्रतिकिलो ७५ ते ८० रुपये या दरात कृषी केंद्रांत विक्री सुरू होती. पण यंदा धैंचाचे दर प्रतिकिलो ९०, १०० ते ११० रुपये, असेही आहेत. दोन ते तीन एकर केळीसंबंधी नियोजीत क्षेत्रात सुमारे १० ते १५ किलो धैंचाची खरेदी केली जाते. प्रत्येक कंद, केळी रोपाभोवती १० ते १२ बियांचे टोकण केले जाते. काही शेतकरी दाट तर काही शेतकरी विरळ टोकण करून घेतात. यात यंदा धैंचा बियाण्यावरील खर्च मात्र दरवाढीने झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
