Sindhudurg News: बदललेले वातावरण आणि त्यातून वाढलेला कीड-रोगांचा प्रादुर्भाव यामुळे देवगड तालुक्यातील आंबा पिकात दहा टक्क्यांपेक्षाही कमी फळधारणा झाली आहे. त्यामुळे आंबा उत्पादक गंभीर आर्थिक संकटात सापडला असून, या पार्श्वभूमीवर रविवारी (ता. ८) देवगड तालुक्यातील आंबा बागायतदार जामसंडे येथे एकवटले. बैठकीत आंबा पिकातील विविध समस्यांवर सविस्तर विचारमंथन करण्यात आले..देवगड तालुका हा देवगड हापूससाठी जगभर प्रसिद्ध आहे. यंदा तालुक्यातील सुमारे ८० ते ९० टक्के कलमांना मोहर आला होता. मात्र, प्रत्यक्षात दहा टक्क्यांहूनही कमी फळधारणा झाली आहे. नोव्हेंबर ते जानेवारी या कालावधीत फळधारणेची अपेक्षा असताना आंबा उत्पादकांच्या पदरी निराशाच आली. सध्या संपूर्ण देवगड तालुक्यात आंबा मोहोर काळवंडल्याचे चित्र असून, परिस्थिती अत्यंत बिकट असल्याचे बैठकीत स्पष्ट करण्यात आले. .Mango Farmers: आंबा उत्पादकांना सुधारित निकषांनुसार भरपाई द्या; जावळे .आंबा पीक पूर्णतः धोक्यात आल्याने भविष्यातही उत्पादनावर विपरीत परिणाम होण्याची शक्यता बागायतदारांनी व्यक्त केली. त्यामुळे आंबा पिकातील समस्यांवर शासन स्तरावर संशोधन होणे आवश्यक असल्याचे मत मांडण्यात आले. बाजारात उपलब्ध कीटकनाशके व संजीवकांचे दर प्रमाणित असावेत, माती परीक्षण करणारी यंत्रणा उभारावी, तसेच खते व कीटकनाशकांवरील जीएसटी दर कमी करावेत, यासाठी शासनाकडे पाठपुरावा करण्याचा निर्णय घेण्यात आला..Mango Flowering: आंबा फळधारणा वाढीसाठी फांद्या हलविणे फायदेशीर .या समस्यांबाबत १० फेब्रुवारी रोजी तालुका कृषी विभागाला, त्यानंतर जिल्हाधिकारी व जिल्हा कृषी विभागाला निवेदन देण्याचे ठरले आहे. गरज भासल्यास आंदोलन छेडण्याचा निर्धारही बैठकीत व्यक्त करण्यात आला..या बैठकीत नरेश डामरी, प्रशांत शिंदे, काका ढोके, विनय पाडावे, अरविंद पेडणेकर, किरण टेंबुलकर, दिनेश धुवाळी, मुकुंद बापट, विनायक जोईल, कृष्णा आमडोसकर आदी बागायतदार उपस्थित होते. समस्यांचा पाठपुरावा करण्यासाठी २२ सदस्यीय समिती स्थापन करण्यात आली असून अध्यक्षपदी काका ढोके, सचिवपदी नीलेश पेडणेकर आणि खजिनदारपदी सुजीत चौकेकर यांची निवड करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
