Nashik News: येवल्याच्या विकासासाठी स्व. अजित पवार यांनी नेहमीच सहकार्य केले आहे. त्यांच्या प्रेमाची जाणीव ठेवून येथील कृषी उत्पन्न बाजार समितीला (स्व.) अजितदादा पवार यांचे नाव देण्यात यावे. बाजार समिती आवारात त्यांचा पुतळा उभारण्यात यावा, अशी मागणी अॅड. माणिकराव शिंदे यांनी केली..(कै.) अजित पवार यांना श्रद्धांजली वाहण्यासाठी रविवारी (ता. १) सर्वपक्षीय शोकसभा माधवराव पाटील शॉपिंग कॉम्प्लेक्स येथे झाली. पक्षभेद विसरून विविध राजकीय पक्षांचे नेते आणि नागरिक उपस्थित होते. या वेळी अॅड. शिंदेंनी ही मागणी केली..APMC Market: सभापतींनी सोडविली डबल एस बारदान्याची कोंडी.अजित पवार यांनी तालुक्याच्या विकासासाठी निधी देताना कधीही हात आखडता घेतला नाही. त्यांच्यामुळेच तालुक्यातील अनेक वर्षांपासून प्रलंबित असलेली कामे मार्गी लागल्याचे सांगताना अॅड. शिंदे यांनी बाजार समितीला नाव देण्याची व पुतळा उभारण्याची मागणी केली. शिवसेनेचे युवा नेते कुणाल दराडे यांनी अनुमोदन देत आठवणींना उजाळा देत, हा प्रस्ताव लवकरात लवकर अमलात आणण्याचा आग्रह धरला. कृषी उत्पन्न बाजार समिती संचालक सचिन आहेर व महेश काळे यांनी या ठरावास अनुमोदन देऊन यासाठी पाठपुरावा करणार आहे..APMC Market Committee: बाजार समितीत सत्तांतरानंतर १२ कोटींचा भ्रष्टाचार.विविध पदाधिकाऱ्यांनी अजित पवार यांच्या आठवणी जागवत त्यांच्या जाण्याने ग्रामीण महाराष्ट्राचे मोठे नुकसान झाल्याचे सांगितले.शेतकऱ्यांचा हक्काचा नेता व बाजू मांडणारा लोकप्रतिनिधी गमावल्याची भावना विविध पदाधिकाऱ्यांनी व्यक्त केली. नगरसेवक रूपेश दराडे, गटनेते डॉ. संकेत शिंदे, नगरसेवक एजाज शेख, अरबाज शेख, वकील शेख, राष्ट्रवादी युवक काँग्रेसचे प्रदेश उपाध्यक्ष अॅड. शाहू शिंदे, शहराध्यक्ष योगेश सोनवणे, विधानसभा अध्यक्ष सुभाष निकम.तालुकाध्यक्ष विठ्ठलराव शेलार, महेंद्र काळे, रिजवान शेख, महेंद्र पगारे, सचिन आहेर, महेश काळे, बंडू क्षीरसागर, अध्यक्ष राणी शिंदे, शिवसेना (शिंदे गट) तालुकाप्रमुख पांडुरंग शेळके, शहराध्यक्ष विशाल परदेशी, भाजप नगरसेवक समीर समदडिया, धीरज परदेशी, प्रशांत शिंदे, नानासाहेब लहरे, आरपीआय गटाचे गुड्डू जावळे, संघाचे अध्यक्ष सुनील देशमुख, मर्चेंट बँकेचे संचालक बाळू परदेशी, श्री. देसाई, अन्सार शेख, साईनाथ मढवई, अनिल शिंदे, सुभाष गायकवाड, डॉ. कुऱ्हे, अजीज शेख, रामदास पवार आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
